ഒഡീഷയിൽ വാറ്റുകേന്ദ്രത്തിൽ കവർച്ച നടത്തിയ അന്തർ സംസ്ഥാന സംഘം അറസ്റ്റിൽ

ഭുവനേശ്വർ: വാറ്റുകേന്ദ്രത്തിൽ കവർച്ച നടത്തിയ അന്തർ സംസ്ഥാന സംഘത്തിലെ 8 പേരെ ഒഡീഷ പൊലീസ് അറസ്റ്റ് ചെയ്തു. ഒഡിഷയിലെ കലഹണ്ഡി ജില്ലയിലെ ധരംഗർഹ് പൊലീസ് സ്റ്റേഷന് സമീപം ജനുവരി 30-31 തീയതികളിൽ രാത്രിയാണ് കവർച്ച നടന്നത്.

മുഖംമൂടി ധരിച്ചെത്തിയ മോഷ്ടാക്കൾ മൂന്നര കോടിയോളം രൂപയാണ് കൊള്ളയടിച്ചതെന്ന് ഡിജിപി യോഗേഷ് ഖുറാനിയ പറഞ്ഞു. കൊള്ളയടിച്ച പണം തൊട്ടടുത്ത കാട്ടിൽ നിന്നും തിരച്ചിലിനൊടുവിൽ പിടിച്ചെടുക്കുകയായിരുന്നു. കൊള്ള നടന്ന് 24 മണിക്കൂറിനുള്ളിൽ പൊലീസ് 8 പ്രതികളെയും പിടികൂടി. ജാർഖണ്ഡിലെ റാഞ്ചി ജില്ലയിലെ സ്വദേശികളാണ് പിടിയിലായ കൊള്ള സംഘത്തിൽപെട്ടവർ. 3.51 കോടി രൂപയാണ് കൊള്ളയടിച്ചത്.