.jpg)
ഇനി വാട്സ്ആപ്പിലൂടെയും ബില്ലുകൾ അടയ്ക്കാം..; പുത്തന് ഫീച്ചര് ഉടനെത്തും
കറന്റുബില്ലോ, എല്പിജി ഗ്യാസ് പെയ്മെന്റുകളോ, മൊബൈൽ റീചാർജോ.. ബില്ലുകൾ ഏതുമാകട്ടെ.. ഇനി മെറ്റയുടെ മെസേജിംഗ് പ്ലാറ്റ്ഫോമായ വാട്സ്ആപ്പ് വഴി ഈ ബില്ലുകളെല്ലാം എളുപ്പത്തിൽ അടയ്ക്കാം. വാട്സ്ആപ്പ് ഇന്ത്യയില് ബില് പെയ്മെന്റ് സംവിധാനം തയ്യാറാക്കുന്നു എന്ന റിപ്പോർട്ടാണ് ഇപ്പോൾ പുറത്തുവരുന്നത്.
വാട്സ്ആപ്പ് 2.25.3.15 ആന്ഡ്രോയ്ഡ് ബീറ്റാ വേര്ഷനില് ഡയറക്ട് ബില് പെയ്മെന്റ് ഫീച്ചര് മെറ്റ പരീക്ഷിക്കുന്നതായി ഗാഡ്ജറ്റ് 360 ആണ് റിപ്പോര്ട്ട് ചെയ്തത്.
വാട്സ്ആപ്പില് ഇതിനകം യുപിഐ പെയ്മെന്റ് സംവിധാനമുണ്ട്. ഇതിന്റെ തുടര്ച്ച എന്നോളമാണ് ബില് പെയ്മെന്റുകള് നടത്താന് വാട്സ്ആപ്പ് ഉപയോക്താക്കളെ അനുവദിക്കുന്ന ഫീച്ചറിന്റെ ബീറ്റാ ടെസ്റ്റിംഗ് നടത്തുന്നത്. ആന്ഡ്രോയ്ഡ് അതോറിറ്റിയാണ് ഈ ബീറ്റാ ടെസ്റ്റിംഗ് കണ്ടെത്തിയത്.
വാട്സ്ആപ്പില് നിന്ന് നേരിട്ട് ഇലക്ട്രിസിറ്റി ബില് പെയ്മെന്റ്, മൊബൈല് പ്രീപെയ്ഡ് റീച്ചാര്ജുകള്, എല്പിജി ഗ്യാസ് പെയ്മെന്റുകള്, ലാന്ഡ്ലൈന് പോസ്റ്റ്പെയ്ഡ് ബില്, റെന്റ് പെയ്മെന്റുകള് എന്നിവ ചെയ്യാനാകും എന്നാണ് ബീറ്റാ ടെസ്റ്റിംഗ് വിവരങ്ങള് നല്കുന്ന സൂചന. എന്നാല് പരീക്ഷണം പൂര്ത്തിയാക്കി എപ്പോള് ഈ വാട്സ്ആപ്പ് ഫീച്ചര് സാധാരണ യൂസര്മാര്ക്ക് ലഭ്യമാകും എന്ന് വ്യക്തമല്ല.
അതേസമയം ഇവന്റുകള് സൃഷ്ടിക്കാൻ ഉപയോക്താക്കളെ അനുവദിക്കുന്ന വാട്സ്ആപ്പിന്റെ ഇവന്റ് ഷെഡ്യൂളിംഗ് ഫീച്ചർ ഉടൻ തന്നെ സ്വകാര്യ ചാറ്റുകൾക്കും ലഭ്യമാക്കാനൊരുങ്ങുന്നുമുണ്ട് വാട്സ്ആപ്പ്. ഐഒഎസിനുള്ള വാട്സ്ആപ്പിന്റെ ഏറ്റവും പുതിയ ബീറ്റ പതിപ്പ് ഈ പുത്തന് ഫീച്ചര് ഇതിനകം പ്രവർത്തനക്ഷമമാക്കിയിട്ടുണ്ട്. ഇവന്റുകൾ ആസൂത്രണം ചെയ്യുമ്പോൾ ഓഡിയോ, വീഡിയോ കോളുകളിലേക്ക് ലൊക്കേഷനുകളോ ലിങ്കുകളോ ചേർക്കാൻ ഉപയോക്താക്കളെ അനുവദിക്കും. മുമ്പ് ഗ്രൂപ്പ് ചാറ്റുകളിൽ മാത്രമായിരുന്നു ഈ ഫീച്ചർ ലഭ്യമായിരുന്നത്. ഇത് ഉപയോക്താക്കളെ ഇവന്റുകൾ സൃഷ്ടിക്കാനും ഓർമ്മപ്പെടുത്തലുകൾ സജ്ജീകരിക്കാനും ആപ്പിനുള്ളിൽ നേരിട്ട് അപ്പോയിന്റ്മെന്റുകൾ ഏകോപിപ്പിക്കാനും സഹായിക്കും.