സി.പി.ഐ ആവശ്യത്തിന് വഴങ്ങില്ല ; കണ്ണൂർ കലക്ടറെ മാറ്റുന്നത് പൊതു സ്ഥലമാറ്റത്തിനൊപ്പം

ക​ണ്ണൂ​ർ : കണ്ണൂർ കലക്ടർ അരുൺ കെ വിജയനെ സി.പി.ഐയുടെ പിടിവാശിക്ക് വഴങ്ങി ധൃതി പിടിച്ചു സ്ഥലം മാറ്റേണ്ടതില്ലെന്ന തീരുമാനത്തിൽ സി.പി.എം ഈക്കാര്യം മുഖ്യമന്ത്രിയെ സി.പി.എം കണ്ണൂർ നേതൃത്വം അറിയിച്ചിട്ടുണ്ടെന്നാണ് വിവരം കണ്ണൂർ എ.ഡി.എം  നവീൻ ബാബു ജീവനൊടുക്കിയ സംഭവത്തിൽ തങ്ങളുടെ പല ഇംഗിതങ്ങൾക്കും വഴങ്ങാത്ത ജില്ലാ കലക്ടറെ സ്ഥലം മാറ്റണമെന്ന് സി.പി.ഐയുടെ സർവീസ് സംഘടനയായ ജോയൻ്റ് കൗൺസിൽ ആവശ്യപ്പെട്ടിരുന്നു. എ.ഡി. എമ്മിൻ്റ മരണത്തിൽ പ്രതിഷേധിച്ച് കലക്ടറെ തൽസ്ഥാനത്തു നിന്നും നീക്കം ചെയ്യാൻ റവന്യു മന്ത്രി കെ. രാജന് സി.പി.ഐ കണ്ണൂർ ജില്ലാ നേതൃത്വവും കത്തുനൽതിയിരുന്നു.

എന്നാൽ കലക്ടറെ ധ്വതി പിടിച്ചു മാറ്റുന്നത് രാഷ്ട്രീയപരമായി ദോഷം ചെയ്യുമെന്ന നിലപാടിലായിരുന്നു സി.പി.എമ്മും മുഖ്യമന്ത്രിയും. ഉപതെരഞ്ഞെടുപ്പ് കഴിഞ്ഞാൽ വരുന്ന പൊതു സ്ഥലമാറ്റത്തിൻ്റെ ഭാഗമായി കണ്ണൂർ കലക്ടറെയും മാറ്റാമെന്ന ധാരണയിലാണ് സി.പി.എം. ഈ കാര്യം സി.പി.ഐ കൈകാര്യം ചെയ്യുന്ന റവന്യു വകുപ്പിനെയും അറിയിച്ചിട്ടുണ്ട്. ഇടതു സർക്കാർ ഭരിക്കുമ്പോൾ കലക്ടർക്കെതിരെ സി.പി.ഐ യുവജന സംഘടനയായ എ ഐ.എസ്.എഫ് കലക്ടറേറ്റിന് മുൻപിൽ പോസ്റ്റർ പ്രചരണം നടത്തിയതിൽ സി.പി.എം കണ്ണൂർ ജില്ലാ നേതൃത്വത്തിന് അതൃപ്തിയുണ്ട്. പ്രതിപക്ഷ സംഘടനകൾക്കൊപ്പം എ.ഐ.വൈ.എഫ് പ്രവർത്തകർ സമരത്തിനിറങ്ങിയത് ഇരട്ടത്താപ്പാണെന്നാണ് വിമർശനം. ഇതിനിടെ എ.​ഡി.​എം ന​വീ​ന്‍ ബാ​ബു​വി​ന്റെ മ​ര​ണ​വു​മാ​യി ബ​ന്ധ​പ്പെ​ട്ട്​ മു​ഖ്യ​മ​ന്ത്രി​ക്ക്​ സ​മ​ര്‍പ്പി​ച്ച റ​വ​ന്യൂ അ​ന്വേ​ഷ​ണ റി​പ്പോ​ര്‍ട്ടി​ല്‍ ഉ​ദ്യോ​ഗ​സ്ഥ​ത​ല​ത്തി​ല്‍ തു​ട​ര്‍ന​ട​പ​ടി ത​ല്‍ക്കാ​ല​മി​ല്ലെന്നാണ് സൂചന.

 എ.​ഡി.​എ​മ്മി​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട്​ വി​വാ​ദ​ത്തി​ൽ അ​ക​പ്പെ​ട്ട ക​ണ്ണൂ​ർ ജി​ല്ല ക​ല​ക്ട​റു​ടെ സ്ഥ​ലം​മാ​റ്റം ഉ​പ​തെ​ര​ഞ്ഞെ​ടു​പ്പു​ക​ൾ​ക്കു​ ശേ​ഷം ഉ​ണ്ടാ​കുമെന്നാണ് സർക്കാർ നിലപാട്.പൊ​തു​സ്ഥ​ലം​മാ​റ്റ​ത്തി​ൽ ഉ​ൾ​പ്പെ​ടു​ത്തി​യാ​കും മാ​റ്റം. ലാ​ന്‍ഡ് റ​വ​ന്യൂ ജോ​യ​ന്റ് ക​മീ​ഷ​ണ​ര്‍ എ. ​ഗീ​ത​യു​ടെ അ​ന്വേ​ഷ​ണ റി​പ്പോ​ര്‍ട്ടി​ല്‍ ഉ​ദ്യോ​ഗ​സ്ഥ​ത​ല വീ​ഴ്ച​ക​ളും റ​വ​ന്യൂ പ്രി​ന്‍സി​പ്പ​ല്‍ സെ​ക്ര​ട്ട​റി​യും ചീ​ഫ് സെ​ക്ര​ട്ട​റി​യും റി​പ്പോ​ര്‍ട്ട് പ​രി​ശോ​ധി​ച്ച്​ ന​ല്‍കി​യ ശി​പാ​ര്‍ശ​ക​ളി​ലും ഉ​ദ്യോ​ഗ​സ്ഥ​ത​ല ന​ട​പ​ടി നി​ര്‍ദേ​ശി​ക്കാ​ത്ത സാ​ഹ​ച​ര്യ​ത്തി​ലാ​ണ് തീ​രു​മാ​നം. റ​വ​ന്യൂ അ​ന്വേ​ഷ​ണ​ത്തി​ന്​ സ​മാ​ന്ത​ര​മാ​യി പൊ​ലീ​സ് അ​ന്വേ​ഷ​ണം കൂ​ടി ന​ട​ക്കു​ന്ന സാ​ഹ​ച​ര്യ​ത്തി​ല്‍ അ​തു​കൂ​ടി പൂ​ര്‍ത്തി​യാ​യ റി​പ്പോ​ര്‍ട്ട് കി​ട്ടി​യ ശേ​ഷം തു​ട​ര്‍ന​ട​പ​ടി സ്വീ​ക​രി​ക്കാ​മെ​ന്നാ​ണ്​ മു​ഖ്യ​മ​ന്ത്രി​യു​ടെ നി​ര്‍ദേ​ശം.