.jpg)
കുളിക്കുന്നതിനിടയില്‍ ഷോക്കേറ്റു; പത്താം ക്ലാസ് വിദ്യാര്‍ത്ഥി മരിച്ചു
Mar 24, 2025, 06:01 IST
കുളിക്കുന്നതിനിടയില്‍ ഷോക്കേറ്റ ജാസിമിനെ ഉടന്‍ പട്ടാമ്പി ആശുപത്രിയിലും പിന്നീട് ഒറ്റപാലത്തെ സ്വകാര്യ ആശുപത്രിയിലും എത്തിച്ചെങ്കിലും കുട്ടിയെ രക്ഷിക്കാനായില്ല.
വീട്ടിലെ ശുചിമുറിയില്‍ കുളിക്കുന്നതിനിടയില്‍ 15 കാരന്‍ ഷോക്കേറ്റു മരിച്ചു. മേലെ പട്ടാമ്പി കോളേജ് സ്ട്രീറ്റില്‍ താമസിക്കുന്ന ഞാങ്ങാട്ടിരി പിണ്ണാക്കും പറമ്പില്‍ മുഹമ്മദ് റിയാസുദ്ദീന്റെയും ഷാഹിദയും മകനായ ജാസിം റിയാസ് ആണ് മരിച്ചത്. കൊണ്ടുര്‍ക്കര മൗണ്ട് ഹിറ സ്‌കൂളിലെ പത്താം ക്ലാസ് വിദ്യാര്‍ഥിയാണ് ജാസിം.
കുളിക്കുന്നതിനിടയില്‍ ഷോക്കേറ്റ ജാസിമിനെ ഉടന്‍ പട്ടാമ്പി ആശുപത്രിയിലും പിന്നീട് ഒറ്റപാലത്തെ സ്വകാര്യ ആശുപത്രിയിലും എത്തിച്ചെങ്കിലും കുട്ടിയെ രക്ഷിക്കാനായില്ല. പോസ്റ്റമോര്‍ട്ടത്തിന് ശേഷം ഇന്നു സംസ്‌കാരം നടത്തും.
Tags
