മമ്മൂട്ടിയുടെ പേരിൽ മോഹൻലാൽ ശബരിമലയിൽ വഴിപാട് നടത്തിയത് തെറ്റ്; നാസർ കൂടത്തായി ഫൈസി

തിരുവനന്തപുരം : മമ്മൂട്ടിയുടെ പേരിൽ മോഹൻലാൽ ശബരിമലയിൽ വഴിപാട് നടത്തിയത് തെറ്റെന്ന് നാസർ കൂടത്തായി ഫൈസി. മാധ്യമ പ്രവർത്തകനും രാഷ്ട്രീയ നിരീക്ഷകനുമായ ഒ അബ്ദുള്ളയ്ക്ക് പിന്നാലെയാണ് നാസർ കൂടത്തായി ഫൈസി പ്രതിഷേധവുമായി രം​ഗത്തെത്തിയത്. മമ്മൂട്ടിയുടെ പേരിൽ ശബരിമലയിൽ വഴിപാട് നടത്തിയത് മമ്മൂട്ടിയുടെ അറിവോടെയാണെങ്കിൽ അത് തെറ്റാണെന്ന് നാസർ കൂടത്തായി ഫൈസി പറഞ്ഞു. ചാനൽ ചർച്ചയിൽ പങ്കെടുക്കുന്നതിനിടയിലാണ് നാസർ കൂടത്തായി ഫൈസി ഇക്കാര്യം പറഞ്ഞത്.  

മമ്മൂട്ടിക്ക് ആരോ​ഗ്യപരമായ പ്രശ്നങ്ങൾ ഉണ്ടെന്നറിഞ്ഞതിനെ തുടർന്നാണ് മോഹൻലാൽ ശബരിമലയിൽ മമ്മൂട്ടിയുടെ പോരിൽ ഉഷപൂജ നടത്തിയത്. ഇതിന്റെ രശീത് അടക്കം മാധ്യമങ്ങളിൽ പ്രചരിച്ചിരുന്നു. ഇതോടെയാണ് പ്രതികരണവുമായി നിരവധിപേർ രം​ഗത്തെത്തിയത്. 

മമ്മൂട്ടിയുടെ അറിവോടെയാണ് ചെയ്തതെങ്കിൽ മമ്മൂട്ടി തൗബ ചെയ്യണം. മുസ്ലീം സമുദായത്തോട് മാപ്പ് പറയണം. മമ്മൂട്ടിയുടെ അറിവോടെയല്ല വഴിപാട് കഴിച്ചതെങ്കിൽ തെറ്റില്ല. വലിയ വീഴ്ചയാണ് മമ്മൂട്ടിയുടെ ഭാ​ഗത്ത് നിന്ന് ഉണ്ടായത്. വിശ്വാസത്തിന്റെ പുറത്തായിരിക്കാം മോഹൻലാൽ ചെയതത്. എന്നാൽ മമ്മൂട്ടി പറഞ്ഞ് ഏൽപ്പിച്ചിട്ടാണ് മോഹൻലാൽ ചെയതതെങ്കിൽ അത് വലിയ തെറ്റാണ്. ഇസ്ലാം മതവിശ്വാസ പ്രകാരം അള്ളാഹുവിനല്ലാതെ ഒരു വഴിപാടും നടത്തരുത് - ഒ അബ്ദുള്ള പറഞ്ഞു.