തിരുവനന്തപുരത്ത് എംഡിഎംഎയുമായി അസിസ്റ്റന്റ് ഡയറക്ടർ അറസ്റ്റിൽ

തിരുവനന്തപുരം : എംഡിഎംഎയുമായി അസിസ്റ്റന്റ് ഡയറക്ടർ അറസ്റ്റിൽ.  വിഴിഞ്ഞം ടൗൺഷിപ് കോളനിയിൽ താമസിക്കുന്ന ജസീം(35)ആണ് കരമന പൊലീസിന്റെ പിടിയിലായത്. 2.08 gm എംഡിഎംഎയാണ് ഇയാളുടെ കൈയ്യിൽ നിന്ന് പൊലീസ് പിടികൂടിയത്.  കാസർ​ഗോഡ് നിന്ന് ട്രെയിനിൽ തമ്പാനൂരിൽ എത്തിയപ്പോഴാണ് ജസീം പിടിയിലായത്. ഓപ്പറേഷൻ ഡി ഹണ്ടിന്റെ ഭാഗമായിട്ടാണ് പൊലീസ് പരിശോധന നടത്തിയത്. കരമന സിഐ അനൂപിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.