കനയ്യകുമാറിന്റെ കോണ്ഗ്രസ് പ്രവേശനം; വീണ്ടും റിപ്പോര്ട്ട് തള്ളി സിപിഐ
സിപിഐ നേതാവ് കനയ്യകുമാര് കോണ്ഗ്രസില് ചേരുമെന്ന റിപ്പോര്ട്ടുകള് വീണ്ടും തള്ളി സിപിഐ ദേശീയ ജനറല് സെക്രട്ടറി ഡി രാജ. റിപ്പോര്ട്ട് അടിസ്ഥാനരഹിതമാണെന്ന് ഡി രാജ പ്രതികരിച്ചു.
കനയ്യ കുമാറിന്റെ കോണ്ഗ്രസ് പ്രവേശനം സംബന്ധിച്ച് പ്രചരിക്കുന്ന വാര്ത്തകള് തെറ്റാണെന്ന് ഡി രാജയും സിപിഐ സംസ്ഥാന സെക്രട്ടറി കാനം രാജേന്ദ്രനും നേരത്തെ തന്നെ പ്രതികരിച്ചിരുന്നു. സിപിഐ ദേശീയ എക്സിക്യൂട്ടീവ് അംഗമായ കനയ്യ കുമാര് പാര്ട്ടി വിട്ടുപോകുന്നത് ഗുണം ചെയ്യില്ലെന്നാണ് സിപിഐ കരുതുന്നത്. എന്നാല് കനയ്യകുമാറും ജിഗ്നേഷ് മേവാനിയും അടുത്ത ആഴ്ച തന്നെ കോണ്ഗ്രസില് ചേരുമെന്നാണ് റിപ്പോര്ട്ടുകള്.
കനയ്യ കുമാറും ജിഗ്നേഷ് മേവാനിയും ചൊവ്വാഴ്ച കോണ്ഗ്രസില് ചേരും. ഭഗത് സിംഗ് ദിനത്തിലാണ് ഇരുവരും പാര്ട്ടിയുടെ ഭാഗമാകുന്നത്. ഇരുവര്ക്കുമൊപ്പം അടുത്ത അനുയായികളും കോണ്ഗ്രസില് ചേരും. നേരത്തെ തന്നെ കോണ്ഗ്രസില് ചേരുന്നതുമായി ബന്ധപ്പെട്ട് രാഹുല് ഗാന്ധിയുമായി കനയ്യകുമാര് ചര്ച്ച നടത്തിയിരുന്നു. കോണ്ഗ്രസില് ചേരുന്നതുമായി ബന്ധപ്പെട്ട് രണ്ടുപേരും ഔദ്യോഗികമായി സിപിഐയെ അറിയിച്ചിരുന്നില്ല. കോണ്ഗ്രസ് നേതൃത്വവും ഇത് സംബന്ധിച്ചുള്ള ഔദ്യോഗിക പ്രതികരണം ഇതുവരെ നല്കിയില്ല.
The post കനയ്യകുമാറിന്റെ കോണ്ഗ്രസ് പ്രവേശനം; വീണ്ടും റിപ്പോര്ട്ട് തള്ളി സിപിഐ first appeared on Keralaonlinenews.