.jpg)
ഇന്ത്യയുടെ നീക്കത്തിന് മറുപടി നല്കും ; പാകിസ്താന്
ഇന്ത്യയുടെ നീക്കത്തിന് മറുപടി നല്കുമെന്ന് പാക് വിദേശകാര്യ മന്ത്രി ഇഷാഖ് ദാര് പറഞ്ഞു.
സിന്ധു നദീജല കരാര് റദ്ദാക്കിയതുള്പ്പെടെ പാകിസ്താനെതിരെ ശക്തമായ നടപടി ഇന്ത്യ സ്വീകരിച്ചതിന് പിന്നാലെ ദേശീയ സുരക്ഷാ സമിതിയുടെ അടിയന്തര യോഗം വിളിച്ച് പാകിസ്താന്. പാക് പ്രധാനമന്ത്രി ഷെഹ്ബാസ് ഷെരീഫാണ് യോഗം വിളിച്ചത്.
ഇന്ത്യയുടെ നീക്കത്തിന് മറുപടി നല്കുമെന്ന് പാക് വിദേശകാര്യ മന്ത്രി ഇഷാഖ് ദാര് പറഞ്ഞു. യോഗത്തിന് ശേഷം വ്യക്തമായ പ്രതികരണമുണ്ടാകുമെന്നും പാക് വിദേശകാര്യ മന്ത്രി വ്യക്തമാക്കി. നാളെ രാവിലെയാണ് പാകിസ്താനില് ദേശീയ സുരക്ഷാ സമിതി യോഗം ചേരുന്നത്.
tRootC1469263">പഹല്ഗാം ഭീകരാക്രമണത്തിന്റെ പശ്ചാത്തലത്തില് പാകിസ്താനെതിരെ കടുത്ത നടപടികളാണ് ഇന്ത്യ സ്വീകരിച്ചത്. പാകിസ്താന് പൗരന്മാര് 48 മണിക്കൂറിനുള്ളില് ഇന്ത്യ വിടണമെന്ന് ഇന്ത്യന് വിദേശകാര്യ സെക്രട്ടറി വിക്രം മിസ്റി വാര്ത്താസമ്മേളനത്തില് അറിയിച്ചു. ഭീകരാക്രമണത്തെ ശക്തമായി അപലപിച്ച കേന്ദ്ര മന്ത്രിസഭയുടെ സുരക്ഷാകാര്യ സമിതി പഹല്ഗാം ആക്രമണത്തില് 26 പേര് മരിച്ചതായി ഔദ്യോഗികമായി സ്ഥിരീകരിച്ചു. പാകിസ്താന് പൗരന്മാര്ക്കുള്ള വിസാ നടപടികളും ഇന്ത്യ മരവിപ്പിച്ചു. പാകിസ്താന്റെ സുപ്രധാന കുടിവെള്ള പദ്ധതിയായ സിന്ധു നദീജല കരാറും ഇന്ത്യ റദ്ദാക്കി.
