.jpg)
ട്രംപിന് തിരിച്ചടി ; പകര ചുങ്കം നിയമ വിരുദ്ധമെന്ന് സുപ്രീം കോടതി
ചുങ്കം ചുമത്താന് ട്രംപിന് അധികാരമില്ലെന്നും അതിനുള്ള അടിയന്തര സാമ്പത്തിക സാഹചര്യം ഇപ്പോഴില്ലെന്നും കോടതി പറഞ്ഞു.
യുഎസ് പ്രസിഡന്റ് ഡോണള്ഡ് ട്രംപിന് കനത്ത തിരിച്ചടി. ട്രംപ് ഏര്പ്പെടുത്തിയ പകര ചുങ്കം നിയമ വിരുദ്ധമെന്ന് സുപ്രീം കോടതി വിധിച്ചു. ചുങ്കം ചുമത്താന് ട്രംപിന് അധികാരമില്ലെന്നും അതിനുള്ള അടിയന്തര സാമ്പത്തിക സാഹചര്യം ഇപ്പോഴില്ലെന്നും കോടതി പറഞ്ഞു.
ട്രംപ് അധികാരപരിധി ലംഘിച്ചെന്ന് ആരോപിച്ച കോടതി പ്രതികാര നടപടിയുടെ ഭാഗമായി വിവിധ രാജ്യങ്ങള്ക്കുമേല് ട്രംപ് ചുമത്തിയ താരിഫുകളും റദ്ദാക്കി. ട്രംപിന്റെ നടപടിക്കെതിരെ നികുതി വര്ധനവ് ബാധിച്ച പ്രമുഖ കമ്പനികളും ഡെമോക്രാറ്റിക് പാര്ട്ടി ഭരിക്കുന്ന 12 സംസ്ഥാനങ്ങളും നല്കിയ ഹര്ജിയിലാണ് സുപ്രീം കോടതിയുടെ ഇടപെടല്.
tRootC1469263">1977ലെ ഒരു നിയമം ഉപയോഗിച്ച് ഏകപക്ഷീയമായി നികുതികള് അടിച്ചേല്പ്പിക്കാന് പ്രസിഡന്റിന് അധികാരമില്ലെന്നും കോടതി വ്യക്തമാക്കി. തന്റെ സാമ്പത്തിക-വിദേശ നയങ്ങളുടെ പ്രധാന ആയുധമായാണ് ട്രംപ് പകര ചുങ്കത്തെ ഉപയോഗിച്ചിരുന്നത്.
ഇന്ത്യ അടക്കമുള്ള പല രാജ്യങ്ങള്ക്കും ട്രംപ് ഉയര്ന്ന താരിഫ് ഏര്പ്പെടുത്തിയിരുന്നു. റഷ്യയില്നിന്ന് എണ്ണ വാങ്ങുന്നതിനെച്ചൊല്ലി ഇന്ത്യയുമായി ഇടഞ്ഞ ട്രംപ് ഇന്ത്യക്കുമേല് പകരച്ചുങ്കവും ഏര്പ്പെടുത്തിയിരുന്നു.
