.jpg)
ട്രംപ് സൗദിയിലേക്ക്
ലോകം ഉറ്റുനോക്കുന്ന സന്ദര്ശനത്തിലേക്ക് മറ്റ് ഗള്ഫ് നേതാക്കളെ കൂടി സൗദി ക്ഷണിച്ചു.
അമേരിക്കന് പ്രസിഡന്റ് ഡോണള്ഡ് ട്രംപിന്റെ സൗദി അറേബ്യയടക്കമുള്ള മധ്യേഷ്യന് രാജ്യങ്ങളിലേക്കുള്ള സന്ദര്ശനത്തിന് ഇന്ന് തുടക്കം. അമേരിക്കന് പ്രസിഡന്റ് ആദ്യമെത്തുക സൗദി അറേബ്യയിലാണ്.
ലോകം ഉറ്റുനോക്കുന്ന സന്ദര്ശനത്തിലേക്ക് മറ്റ് ഗള്ഫ് നേതാക്കളെ കൂടി സൗദി ക്ഷണിച്ചു. ഒമാന് ഭരണാധികാരി സുല്ത്താന് ഹൈതം ബിന് താരിഖ്, ബഹറിന് രാജാവ് ഹമദ് അല് ഖലീഫ, കുവൈത്ത് അമീര് ഷെയ്ഖ് മിഷാല് അല് ജാബിര് അല് സബ എന്നിവര്ക്കാണ് സൗദി രാജാവ് സല്മാന് ബിന് അബ്ദുല് അസീസ് ക്ഷണക്കത്ത് അയച്ചത്. സൗദിയില് വെച്ച് നടക്കുന്ന ഗള്ഫ് - അമേരിക്ക ഉച്ചകോടിയില് ഡോണള്ഡ് ട്രംപ് പങ്കെടുക്കും.
tRootC1469263">സൗദി സന്ദര്ശനത്തില് അമേരിക്ക - സൗദി ആണവ സഹകരണവും യാഥാര്ഥ്യമാകും. ഊര്ജം ആവശ്യങ്ങള്ക്കായി ആണവ റിയാക്ടര് നിര്മ്മിക്കാന് ഒരുങ്ങുകയാണ് സൗദി. ഈ ഉദ്യമത്തിനാകും അമേരിക്ക സഹകരിക്കുക. മിഡില് ഈസ്റ്റ് മേഖലയിലെ അമേരിക്കന് നയവും പലസ്തീനെ സ്വതന്ത്ര രാഷ്ട്രമായി അംഗീകരിക്കുന്ന പ്രഖ്യാപനവും ഉണ്ടാകുമോ എന്ന ആകാംക്ഷയിലാണ് ലോകം. സൗദിക്ക് പുറമേ യു എ ഇയും ഖത്തറും ട്രംപ് സന്ദര്ശിക്കുന്നുണ്ട്.
