.jpg)
ലോകം ക്രിസ്മസ് ആഘോഷ ലഹരിയില് ; അപരിചിതരോടും ദരിദ്രരോടും ദയ കാണിക്കണമെന്ന് വിശ്വാസികളോട് മാര്പാപ്പ
വത്തിക്കാനിലെ സെന്റ് പീറ്റര് ബസിലിക്കയില് ലിയോ പതിനാലാമന് മാര്പ്പാപ്പ തിരുപ്പിറവി ചടങ്ങുകള്ക്കും പാതിരാകുര്ബാനയ്ക്കും കാര്മികത്വം വഹിച്ചു.
യേശുക്രിസ്തുവിന്റെ തിരുപ്പിറവിയുടെ ഓര്മയില് ക്രിസ്മസ് ആഘോഷിച്ച് ലോകമെമ്പാടുമുള്ള വിശ്വാസികള്. വത്തിക്കാനിലെ സെന്റ് പീറ്റര് ബസിലിക്കയില് ലിയോ പതിനാലാമന് മാര്പ്പാപ്പ തിരുപ്പിറവി ചടങ്ങുകള്ക്കും പാതിരാകുര്ബാനയ്ക്കും കാര്മികത്വം വഹിച്ചു. മാര്പ്പാപ്പയായി തെരഞ്ഞെടുക്കപ്പെട്ട ശേഷമുള്ള ലിയോ പതിനാലാമന്റെ ആദ്യ ക്രിസ്മസ് കൂടിയാണിത്. ഇരുനൂറിലേറെ അംഗങ്ങള് അണിനിരക്കുന്ന ഗായകസംഘവും ചടങ്ങുകളും ഭാഗമായി.
tRootC1469263">
ഉണ്ണിയേശുവിന്റെ ജനനപ്രഖ്യാപനത്തോടെയാണ് ചടങ്ങുകള് ആരംഭിച്ചത്. പിന്നീട് അള്ത്താരയുടെ മുന്നിലുള്ള ബൈബിള് പ്രതിഷ്ഠാപീഠത്തില് പട്ടില് പൊതിഞ്ഞ് വെച്ചിരിക്കുന്ന ഉണ്ണിയേശുരൂപം മാര്പാപ്പ അനാവരണം ചെയ്തു. അപരിചിതരോടും ദരിദ്രരോടും ദയ കാണിക്കണമെന്ന് വിശ്വാസികളോട് മാര്പാപ്പ ആഹ്വാനം ചെയ്തു. സഹായം വേണ്ടവനെ അവഗണിക്കുന്നത് ദൈവത്തെ അവഗണിക്കുന്നതിന് തുല്യമാണെന്നും ക്രിസ്മസ് രാവിലെ ദിവ്യബലിയില് മാര്പ്പാപ്പ വിശ്വാസികളോട് പറഞ്ഞു. ആറായിരത്തോളം പേര് ബസിലിക്കയിലെ ചടങ്ങുകള്ക്ക് നേരിട്ട് സാക്ഷ്യംവഹിച്ചു.
യേശുദേവന്റെ ജന്മസ്ഥലമായ ബേത്ലഹേമില് രണ്ട് വര്ഷത്തിനുശേഷമാണ് ക്രിസ്മസ് ആഘോഷം. ഗാസയിലെ യുദ്ധം കാരണം ക്രിസ്മസ് ആഘോഷിച്ചിരുന്നില്ല പലസ്തീനിലെ ക്രൈസ്തവര്. നേറ്റിവിറ്റി പള്ളിയിലെ പാതിരാകുര്ബാനയിലും നൂറുകണക്കിനു വിശ്വാസികള് പങ്കെടുത്തു.