ആരോഗ്യം വീണ്ടെടുത്ത് സുനിത വില്യംസ്


ദൗത്യങ്ങള് തുടരുന്നതിനാല് തിരിച്ചുവരവിന്റെ കാര്യത്തില് ആശങ്കയേ ഉണ്ടായിരുന്നില്ല
ആരോഗ്യം വീണ്ടെടുത്തുവെന്ന് ബഹിരാകാശത്ത് നിന്ന് തിരിച്ചെത്തിയ സുനിത വില്യംസ്. കഴിഞ്ഞ ദിവസം നാല് മൈല് ഓടി. ഇപ്പോഴും പൊതുജനം ഞങ്ങളുടെ കാര്യത്തില് ഇത്രയും ശ്രദ്ധ നല്കുന്നുവെന്നത് അത്ഭുതപ്പെടുത്തുന്നു. അന്താരാഷ്ട്ര ബഹിരാകാശ നിലയത്തില് നില്ക്കുമ്പോള് ജോലിയില് മാത്രമാണ് ശ്രദ്ധിച്ചത്. ഭൂമിയിലെ വിവാദങ്ങള് ആ സമയത്ത് ശ്രദ്ധിച്ചതേ ഇല്ലെന്നും അവര് പറഞ്ഞു.
ദൗത്യങ്ങള് തുടരുന്നതിനാല് തിരിച്ചുവരവിന്റെ കാര്യത്തില് ആശങ്കയേ ഉണ്ടായിരുന്നില്ല. എത്രയും പെട്ടന്ന് കുടുംബത്തെയും അരുമ മൃഗങ്ങളെയും കാണാനായിരുന്നെങ്കില് എന്ന് ചിന്തിച്ചിരുന്നു. ഞങ്ങള്ക്ക് വേണ്ടി ഡ്രാഗണ് പേടകത്തിലെ ഇരിപ്പിടം ഒഴിഞ്ഞുകൊടുക്കേണ്ടി വന്നവര്ക്ക് നന്ദിയുണ്ടെന്നും സ്റ്റാര്ലൈനര് മികച്ച പേടകമാണെന്നും അവര് പറഞ്ഞു.

സ്റ്റാര്ലൈനര് പ്രതിസന്ധിയുടെ കാര്യത്തില് എല്ലാവര്ക്കും ഉത്തരവാദിത്തമുണ്ടെന്ന് സഹയാത്രികന് ബുച്ച് വില്മോര് പറഞ്ഞു. പേടകത്തിന്റെ കമാന്ഡര് എന്ന നിലയ്ക്ക് തനിക്കും ഉത്തരവാദിത്തമുണ്ട്. ഈ ദൗത്യത്തില് നിന്ന് ഒരുപാട് കാര്യങ്ങള് പഠിച്ചു . ഇനിയുള്ള ദൗത്യങ്ങളില് ശ്രദ്ധിക്കണം. നിലയത്തില് കുടുങ്ങി എന്ന പ്രചരണം ഇരുവരും തള്ളുകയും ചെയ്തു.
Tags

അഴിമതിയിൽ മുങ്ങിയ സിപിഎമ്മിന്റെ അന്തകനും ആരാച്ചാരുമായി പിണറായി വിജയൻ മാറി,ഒരച്ഛൻ മകളിലൂടെ വരെ അഴിമതി നടത്തുന്നതു കേരളം കാണുന്നതും ഇതാദ്യം : കെ സുധാകരൻ
ഒരച്ഛൻ മകളിലൂടെ വരെ അഴിമതി നടത്തുന്നതു കേരളം കാണുന്നതും ഇതാദ്യം.അഴിമതിയിൽ മുങ്ങിയ സി പി എമ്മിന്റെ അന്തകനും ആരാച്ചാരുമായി പിണറായി വിജയൻ മാറിയെന്ന് കെ പി സി സി പ്രസിഡന്റ് കെ സുധാകരൻ പറഞ്ഞു.കേരളം കണ്ട