.jpg)
സൗദിയില്നിന്ന് ക്രൂഡ് ഓയിലുമായി പുറപ്പെട്ട ആദ്യ കപ്പൽ ഇന്ത്യൻ തീരത്തെത്തി
ന്യൂഡല്ഹി: പശ്ചിമഷ്യന് സംഘര്ഷത്തെത്തുടര്ന്ന് രാജ്യത്ത് എണ്ണ- പ്രകൃതിവാതക പ്രതിസന്ധി നിലനില്ക്കുന്നതിനിടെ ക്രൂഡ് ഓയിലുമായി സൗദിയിൽ നിന്ന് പുറപ്പെട്ട ആദ്യ കപ്പല് മുംബൈ തീരത്തെത്തി. ലൈബീരിയന് പതാകയേന്തുന്ന ഷെന്ലോങ് സ്യൂമാക്സ് എന്ന കപ്പലാണ് ഹോര്മൂസ് കടലിടുക്ക് താണ്ടി ഇന്ത്യയിലെത്തിയത്. 135,000 മെട്രിക് ടണ് അസംസ്കൃത എണ്ണയാണ് ഷെന്ലോങ് സൂയസ്മാക്സ് കപ്പല് വഴി ഇന്ത്യയിലേക്ക് എത്തിച്ചത്. ഹോര്മൂസ് കടലിടുക്ക് വഴി ഇന്ത്യയിലേക്കുള്ള എണ്ണക്കപ്പലുകള്ക്ക് അനുമതി നല്കുമെന്ന് ഇറാന് അറിയിച്ചിരുന്നു.
ഇതിനുശേഷം ഇന്ത്യയിലെത്തുന്ന ആദ്യ കപ്പലാണ് ഷെന്ലോങ് സൂയസ്മാക്സ്. മുംബൈ തുറമുഖത്ത് എത്തിയ അസംസ്കൃത എണ്ണ മഹുളിലെ റിഫൈനറിയിലേക്ക് അയയ്ക്കും. ലോകത്തിലെ എണ്ണയുടെ ഏകദേശം 20 ശതമാനവും ഹോര്മുസ് കടലിടുക്കിലൂടെയാണ് കടന്നുപോകുന്നത്. കടലിടുക്ക് വഴി ഒരു അന്താരാഷ്ട്ര കപ്പലും പോകാന് അനുവദിക്കില്ലെന്ന് ഇറാന് നേരത്തെ മുന്നറിയിപ്പ് നല്കിയിട്ടുണ്ട്.
