യുക്രെയ്നിൽ ഡ്രോൺ ആക്രമണം നടത്തി റഷ്യ

കീവ്: യുക്രെയ്നിൽ ഡ്രോൺ ആക്രമണം നടത്തി റഷ്യ. ആക്രമണത്തിൽ നിരവധി റെസിഡൻഷ്യൽ കെട്ടിടങ്ങൾക്ക് കേടുപാടുകൾ സംഭവിക്കുകയും നഗരത്തിലുടനീളം കാറുകൾ കത്തി നശിക്കുകയും ചെയ്തതായി യുക്രേനിയൻ തലസ്ഥാനത്തെ സൈന്യവും ഉദ്യോഗസ്ഥരും അറിയിച്ചു.

തടഞ്ഞുനിർത്തപ്പെട്ട ഡ്രോണുകളിൽ നിന്നുള്ള അവശിഷ്ടങ്ങൾ യുക്രെയ്നിലെ ഒബൊലോൺസ്കി, സ്വിയാറ്റോഷിൻസ്കി ജില്ലകളിലെ റെസിഡൻഷ്യൽ കെട്ടിടങ്ങളിൽ തീപിടുത്തത്തിന് കാരണമായതായി യുക്രെയ്ൻ സൈനിക ഭരണ മേധാവി തിമൂർ തകച്ചെങ്കോ സോഷ്യൽ മീഡിയയിൽ പറഞ്ഞു.  ഡ്രോൺ അവശിഷ്ടങ്ങൾ വീണ് നഗരത്തിലുടനീളമുള്ള നിരവധി കാറുകൾക്ക് തീപിടിച്ചതായും അദ്ദേഹം കൂട്ടിച്ചേർത്തു.