.jpg)
‘അസ്തിത്വപരമായ യുദ്ധം’ നടത്തുന്ന പാശ്ചാത്യലോകത്തിനെതിരെ റഷ്യ ഒറ്റയ്ക്ക് നിലകൊള്ളുകയും പോരാടുകയും ചെയ്യുന്നു : പുടിൻ
രാജ്യത്തിനെതിരെ ‘അസ്തിത്വപരമായ യുദ്ധം’ നടത്തുന്ന പാശ്ചാത്യലോകത്തിനെതിരെ റഷ്യ ഒറ്റയ്ക്ക് നിലകൊള്ളുകയും പോരാടുകയും ചെയ്യുന്നുവെന്ന് വ്യക്തമാക്കി പ്രസിഡന്റ് വ്ളാഡിമിർ പുടിൻ. റോസിയ-1 ബ്രോഡ്കാസ്റ്റർ ചിത്രീകരിച്ച് ഞായറാഴ്ച പുറത്തിറക്കിയ ‘റഷ്യ- ക്രെംലിൻ- പുടിൻ- 25 വർഷങ്ങൾ’ എന്ന ഡോക്യുമെന്ററിയിലാണ് പുടിൻ ഈ പരാമർശങ്ങൾ നടത്തിയത്. യുക്രെയ്നും റഷ്യയും തമ്മിലുള്ള ശത്രുത, പാശ്ചാത്യ രാജ്യങ്ങളുമായുള്ള വിശാലമായ സംഘർഷം എന്നിവയുൾപ്പെടെ വിവിധ വിഷയങ്ങളിൽ പുടിനും പത്രപ്രവർത്തകൻ പവൽ സരുബിനും തമ്മിലുള്ള സംഭാഷണങ്ങൾ ഡോക്യുമെന്ററിയിൽ ഉൾപ്പെടുത്തിയിട്ടുണ്ട്.
tRootC1469263">2000-ങ്ങളുടെ തുടക്കം മുതൽ തന്നെ പടിഞ്ഞാറൻ രാജ്യങ്ങൾ റഷ്യയ്ക്കെതിരെ ‘വഞ്ചനാപരമായി’ പെരുമാറുന്നുണ്ടെന്ന് വ്യക്തമായിരുന്നു. അവർ ഒരു കാര്യം സംസാരിക്കുകയും, എന്നാൽ നേരെ വിപരീതമായി പ്രവർത്തിക്കുകയും ചെയ്തുവെന്ന് പുടിൻ ചൂണ്ടിക്കാട്ടി. റഷ്യയുടെ ആവർത്തിച്ചുള്ള മുന്നറിയിപ്പുകൾ കേൾക്കുന്നതിൽ പടിഞ്ഞാറൻ രാജ്യങ്ങൾ പരാജയപ്പെട്ടതും രാജ്യത്തിന്റെ പരമാധികാരം പൂർണ്ണമായി അംഗീകരിക്കാനും ദേശീയ താൽപ്പര്യങ്ങളെ ബഹുമാനിക്കാനും വിസമ്മതിച്ചതുമാണ് ആത്യന്തികമായി നിലവിലുള്ള പ്രതിസന്ധിയിലേക്ക് നയിച്ചതെന്ന് പ്രസിഡന്റ് വിശദീകരിച്ചു.
