‘ക്വാ​ഡ്’ നേ​താ​ക്ക​ളു​ടെ ഉ​ച്ച​കോ​ടി റ​ദ്ദാ​ക്കി​

മെ​ൽ​ബ​ൺ : യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ ആ​സ്ട്രേ​ലി​യ സ​ന്ദ​ർ​ശ​നം മാ​റ്റി​യ സാ​ഹ​ച​ര്യ​ത്തി​ൽ മേ​യ് 24ന് ​സി​ഡ്നി​യി​ൽ ന​ട​ക്കാ​നി​രു​ന്ന ‘ക്വാ​ഡ്’ നേ​താ​ക്ക​ളു​ടെ ഉ​ച്ച​കോ​ടി റ​ദ്ദാ​ക്കി​യ​താ​യി ആ​സ്ട്രേ​ലി​യ​ൻ പ്ര​ധാ​ന​മ​ന്ത്രി ആ​ന്റ​ണി ആ​ൽ​ബ​നീ​സ് വ്യ​ക്ത​മാ​ക്കി (ഇ​ന്ത്യ, ആ​സ്ട്രേ​ലി​യ, ജ​പ്പാ​ൻ, അ​മേ​രി​ക്ക എ​ന്നീ രാ​ജ്യ​ങ്ങ​ളു​ടെ സ​ഖ്യ​മാ​ണ് ‘ക്വാ​ഡ്’). പ​ക​രം, ഈ ​ആ​ഴ്ച അ​വ​സാ​നം ജ​പ്പാ​നി​ലെ ഹി​രോ​ഷി​മ​യി​ൽ ന​ട​ക്കു​ന്ന ജി7 ​യോ​ഗ​ത്തി​നി​ടെ നാ​ലു രാ​ജ്യ​ങ്ങ​ളു​ടെ നേ​തൃ​ത്വ​വും ത​മ്മി​ൽ കൂ​ടി​ക്കാ​ഴ്ച ന​ട​ത്തു​മെ​ന്നും അ​ദ്ദേ​ഹം സൂ​ചി​പ്പി​ച്ചു.

റി​പ്പ​ബ്ലി​ക്ക​ൻ പാ​ർ​ട്ടി​യു​മാ​യി യു.​എ​സ് സ​മ്പ​ദ്‍വ്യ​വ​സ്ഥ​യെ ബാ​ധി​ക്കു​ന്ന സു​പ്ര​ധാ​ന ച​ർ​ച്ച​ക​ൾ ന​ട​ക്കു​ന്ന കാ​ര​ണ​ത്താ​ലാ​ണ് ആ​സ്ട്രേ​ലി​യ സ​ന്ദ​ർ​ശ​നം ബൈ​ഡ​ൻ മാ​റ്റി​യ​ത്. യാ​ത്ര മാ​റ്റേ​ണ്ടി​വ​ന്ന​തി​ൽ ബൈ​ഡ​ൻ നി​രാ​ശ അ​റി​യി​ച്ച​താ​യും ആ​സ്ട്രേ​ലി​യ വ്യ​ക്ത​മാ​ക്കി.

അ​തി​നി​ടെ, ‘ക്വാ​ഡ്’ ഉ​ച്ച​കോ​ടി ന​ട​ക്കി​ല്ലെ​ങ്കി​ലും പ്ര​ധാ​ന​മ​ന്ത്രി ന​രേ​ന്ദ്ര മോ​ദി ആ​സ്ട്രേ​ലി​യ​യി​ൽ എ​ത്തി നേ​ര​ത്തേ തീ​രു​മാ​നി​ച്ച പ​രി​പാ​ടി​ക​ളി​ൽ സം​ബ​ന്ധി​ക്കു​മെ​ന്ന് ഉ​ന്ന​ത വൃ​ത്ത​ങ്ങ​ൾ അ​റി​യി​ച്ചു. മോ​ദി​യു​ടെ ത്രി​രാ​ഷ്ട്ര സ​ന്ദ​ർ​ശ​നം വെ​ള്ളി​യാ​ഴ്ച തു​ട​ങ്ങു​മെ​ന്ന് ക​ഴി​ഞ്ഞ ദി​വ​സം വി​ദേ​ശ​കാ​ര്യ മ​ന്ത്രാ​ല​യം വ്യ​ക്ത​മാ​ക്കി​യി​രു​ന്നു. മേ​യ് 22 മു​ത​ൽ 24 വ​രെ​യാ​ണ് മോ​ദി ആ​സ്ട്രേ​ലി​യ​യി​ൽ ഉ​ണ്ടാ​വു​ക.

മേ​യ് 19 മു​ത​ൽ 21 വ​രെ ജ​പ്പാ​നി​ൽ ന​ട​ക്കു​ന്ന ജി7 ​വാ​ർ​ഷി​ക ഉ​ച്ച​കോ​ടി​യി​ൽ പ​​ങ്കെ​ടു​ത്ത​ശേ​ഷം അ​ദ്ദേ​ഹം പാ​പ്വ ന്യൂ ​ഗി​നി​യി​ൽ ‘ഇ​ന്ത്യ-​പ​സി​ഫി​ക് ഐ​ല​ൻ​ഡ്സ് കോ​ഓ​പ​റേ​ഷ​ന്റെ’ (എ​ഫ്.​ഐ.​പി.​ഐ.​സി) സ​മ്മേ​ള​ന​ത്തി​ൽ പ​​ങ്കെ​ടു​ക്കും. തു​ട​ർ​ന്നാ​ണ് ആ​സ്ട്രേ​ലി​യ​യി​ലെ​ത്തു​ക.