ഖത്തറിലെ ജനസംഖ്യ 32 ലക്ഷം പിന്നിട്ടു ; 3.2 ശതമാനം വർദ്ധനവ്

 ദോഹ: ഖത്തറിലെ ജനസംഖ്യ 2025-ൽ സ്ഥിരമായ വളർച്ച തുടരുന്നതായി നാഷണൽ പ്ലാനിംഗ് കൗൺസിൽ പുറത്തുവിട്ട പുതിയ കണക്കുകൾ വ്യക്തമാക്കുന്നു. ഡിസംബർ 2025 അവസാനം രാജ്യത്തെ ആകെ ജനസംഖ്യ 32,14,609 ആയി ഉയർന്നു. ഇത് 2024 ഡിസംബറുമായി താരതമ്യപ്പെടുത്തുമ്ബോൾ 2.3 ശതമാനം വർധനവാണ്. അതേസമയം, നവംബർ 2025 അവസാനത്തോടെ ഖത്തറിലെ ജനസംഖ്യ 33,40,858 ആയി എത്തിയിരുന്നുവെന്നും 2024-ലെ അതേ കാലയളവിനെ അപേക്ഷിച്ച്‌ 5.3 ശതമാനം വളർച്ച രേഖപ്പെടുത്തിയതായും മുൻ കണക്കുകൾ വ്യക്തമാക്കുന്നു. 2025-ന്റെ അവസാന മാസങ്ങളിൽ ശ്രദ്ധേയമായ മാറ്റം ആണ് ജനസംഖ്യയിൽ ഉണ്ടായിരിക്കുന്നത്.