.jpg)
പുടിനുമായി പ്രധാനമന്ത്രി മോദിയുടെ കൂടിക്കാഴ്ച ഇന്ന്
ഇന്ത്യന് സമയം ഒമ്പതരയ്ക്ക് നിശ്ചയിച്ചിരിക്കുന്ന കൂടിക്കാഴ്ച ഒരു മണിക്കൂര് നീണ്ടു നില്ക്കാനാണ് സാധ്യത
റഷ്യന് പ്രസിഡന്റ് വ്ളാദിമിര് പുടിനുമായി പ്രധാനമന്ത്രി നരേന്ദ്ര മോദി ഇന്ന് കൂടിക്കാഴ്ച നടത്തും. ചൈനയിലെ ടിന്ജിയാനില് ഷാങ്ഹായി സഹകരണ ഉച്ചകോടിക്കിടെയാകും കൂടിക്കാഴ്ച. ഇന്ത്യന് സമയം ഒമ്പതരയ്ക്ക് നിശ്ചയിച്ചിരിക്കുന്ന കൂടിക്കാഴ്ച ഒരു മണിക്കൂര് നീണ്ടു നില്ക്കാനാണ് സാധ്യത.
റഷ്യ -യുക്രെയ്ന് സംഘര്ഷം അവസാനിപ്പിക്കുന്നതിന് നടക്കുന്ന ശ്രമങ്ങള് കൂടിക്കാഴ്ചയില് ചര്ച്ചയാകും. വെടിനിര്ത്തലിനെക്കുറിച്ച് താന് പുടിനോട് സംസാരിക്കാമെന്ന് നരേന്ദ്ര മോദി ഉറപ്പു നല്കിയതായി യുക്രെയ്ന് പ്രസിഡന്റ് സെലന്സ്കി കഴിഞ്ഞ ദിവസം വ്യക്തമാക്കിയിരുന്നു.
റഷ്യയില് നിന്ന് എണ്ണ വാങ്ങുന്നതിന് ഡോണള്ഡ് ട്രംപ് ചുമത്തിയ പിഴ തീരുവയും ചര്ച്ചയാകും. ഷാങ്ഹായി സഹകരണ ഉച്ചകോടിയില് മോദി ഇന്ന് സംസാരിക്കും. അതിര്ത്തി കടന്നുള്ള ഭീകരവാദം, വ്യാപാര രംഗത്ത് അധിക തീരുവ വഴിയുള്ള സമ്മര്ദ്ദം എന്നിവ മോദി പരാമര്ശിച്ചേക്കും