.jpg)
പത്തു ദിവസം കൂടി ആക്രമണം തുടര്ന്നാല് യുഎസ് പ്രതിസന്ധിയിലാകുമെന്ന് പെന്റഗണ് ; ട്രംപുമായി ചര്ച്ച നടത്തിയെന്ന് റിപ്പോര്ട്ട്
ഇറാന് യുഎസ് ഇസ്രയേല് സംഘര്ഷം അഞ്ചാം ദിനവും രൂക്ഷമായി തുടരുന്നതിനിടെയാണ് യുഎസ് സൈനിക കരുത്തിനെ കുറിച്ചുള്ള നിര്ണായക ആശങ്കകള് ഉയരുന്നത്.
ഇറാനെതിരായ ആക്രമണം നിലവിലെ അവസ്ഥയില് പത്തുദിവസം കൂടി തുടര്ന്നാല് അമേരിക്കയുടെ അത്യാധുനിക മിസൈല് ശേഖരം പരിധിക്ക് താഴെ പോകുമെന്ന് പെന്റഗണ് മുന്നറിയിപ്പ് നല്കുന്നു. പ്രസിഡന്റ് ട്രംപുമായി ഇക്കാര്യത്തില് ചര്ച്ച നടത്തിയെന്നാണ് റിപ്പോര്ട്ട്.
ഇറാന് യുഎസ് ഇസ്രയേല് സംഘര്ഷം അഞ്ചാം ദിനവും രൂക്ഷമായി തുടരുന്നതിനിടെയാണ് യുഎസ് സൈനിക കരുത്തിനെ കുറിച്ചുള്ള നിര്ണായക ആശങ്കകള് ഉയരുന്നത്.
അമേരിക്കയുടെ കൈവശം അനന്തമായ ആയുധ ശേഖരമുണ്ടെന്ന് ട്രംപ് ആവര്ത്തിക്കുമ്പോള് സൈനിക ഉദ്യോഗസ്ഥര് നല്കുന്ന സൂചനകള് മറിച്ചാണ്. വിഷയത്തില് പെന്റഗണും ട്രംപും തന്നില് തര്ക്കം നിലനില്ക്കുന്നതായാണ് റിപ്പോര്ട്ട്. പ്രധാനമായും മിസൈല് പ്രതിരോധ സംവിധാനങ്ങളാണ് കുറയാന് സാധ്യതയുള്ളതെന്നാണ് അല്ജസീറ റിപ്പോര്ട്ട് സൂചിപ്പിക്കുന്നത്.
കഴിഞ്ഞ വര്ഷം ഇറാനുമായുണ്ടായ ആക്രമണത്തില് മാത്രം യുഎസ് തങ്ങളുടെ 25 ശതമാനം താഡ് ഇന്റര്സെപ്റ്റര് മിസൈലുകളും ഉപയോഗിച്ച് കഴിഞ്ഞിരുന്നു.150 ഓളം മിസൈലുകള് അന്ന് ഉപയോഗിച്ചെന്നാണ് റിപ്പോര്ട്ട്.