.jpg)
മ്യാൻമറിൽ ഭൗമോപരിതലത്തിൽ വിള്ളൽ രൂപപ്പെട്ടു
മ്യാൻമർ: മാർച്ച് 29-ന് മ്യാൻമറിലുണ്ടായ ശക്തമായ ഭൂകമ്പത്തിൽ മൂവായിരത്തിലധികം പേരാണ് കൊല്ലപ്പെട്ടത്. ഭൂകമ്പ മാപിനിയിൽ 7.7 തീവ്രത രേഖപ്പെടുത്തിയ ഭൂകമ്പത്തിൽ പതിനായിരക്കണക്കിന് ആളുകൾക്ക് പരിക്കേറ്റു. പ്രാദേശിക സമയം ഉച്ചയ്ക്ക് 12.50-ഓടെയാണ് ഭൂചലനമുണ്ടായത്. 6.8 ത്രീവ്രത രേഖപ്പെടുത്തിയതുൾപ്പെടെ ആറ് തുടർചലനങ്ങളുമുണ്ടായി. ഒരു നൂറ്റാണ്ടിനിടെ മ്യാൻമറിനെ ബാധിച്ച ഏറ്റവും ശക്തമായ ഭൂകമ്പങ്ങളിലൊന്നായിരുന്നു ഇത്. മ്യാൻമറിലെ രണ്ടാമത്തെ വലിയ നഗരമായ മാൻഡലെയിലാണ് ഏറ്റവും വലിയ നാശനഷ്ടങ്ങൾ ഉണ്ടായത്.
tRootC1469263">മാൻഡലെയ്ക്ക് സമീപമായിരുന്നു ഭൂകമ്പത്തിന്റെ പ്രഭവകേന്ദ്രം. ഭൂകമ്പത്തിന് പിന്നാലെ ഇവിടെ ഭൗമോപരിതലത്തിൽ വലിയ വിള്ളലും രൂപപ്പെട്ടു. ഏകദേശം 500 കിലോമീറ്റർ വ്യാപിച്ചുകിടക്കുന്നതാണ് ഈ വിള്ളൽ. ഉയർന്ന റെസല്യൂഷൻ ഉപഗ്രഹ ചിത്രങ്ങളിൽ ഈ വിള്ളൽ വ്യക്തമാണ്. അഞ്ച് മീറ്റർ വരെ ആഴമുള്ളവയാണ് വിള്ളലെന്നാണ് റിപ്പോർട്ടുകൾ. കിഴക്ക്-പടിഞ്ഞാറ്, വടക്ക്-തെക്ക് ദിശകളിലായി വലിയ തോതിലുള്ള തിരശ്ചീന സ്ഥാനചലനങ്ങൾ ചിത്രങ്ങളിൽ വ്യക്തമാണ്. ഇത് വിള്ളലിന്റെ തോത് എടുത്തുകാണിക്കുന്നു. മാൻഡലെയ്ക്ക് സമീപമാണ് കൂടുതൽ വിള്ളലുകൾ കണ്ടെത്തിയത്.
