.jpg)
മുജ്തബ ഖമനെയി ഭരണകാര്യങ്ങളില് കൂടുതല് സജീവമായി ഇടപെടുന്നതിന്റെ സൂചനയുണ്ടെന്ന് യുഎസ് വിദേശകാര്യ സെക്രട്ടറി മാര്ക്കോ റൂബിയോ
Jun 3, 2026, 06:52 IST
യുഎസ് സെനറ്റിന്റെ വിദേശകാര്യ സമിതിക്ക് മുന്നില് സംസാരിക്കവെയാണ് റൂബിയോ ഇക്കാര്യം അറിയിച്ചത്.
ഇറാന്റെ പരമോന്നത നേതാവ് മുജ്തബ ഖമനെയി ഭരണകാര്യങ്ങളില് കൂടുതല് സജീവമായി ഇടപെടുന്നതിന്റെ സൂചനയുണ്ടെന്ന് യുഎസ് വിദേശകാര്യ സെക്രട്ടറി മാര്ക്കോ റൂബിയോ. യുഎസും ഇറാനും തമ്മില് സമാധാന ചര്ച്ചകള് പുരോഗമിക്കുന്നതിനിടെയാണ് മാര്ക്കോ റൂബിയോയുടെ പരാമര്ശം. യുഎസ് സെനറ്റിന്റെ വിദേശകാര്യ സമിതിക്ക് മുന്നില് സംസാരിക്കവെയാണ് റൂബിയോ ഇക്കാര്യം അറിയിച്ചത്.
ഫെബ്രുവരിയില് യുദ്ധം ആരംഭിച്ചതിന് ശേഷം യുഎസ് നടത്തിയ വ്യോമാക്രമണത്തില് മുന് പരമോന്നത നേതാവായ അലി ഖമേനി കൊല്ലപ്പെട്ടതിന് ശേഷം മുജ്തബ ഖമനെയി പൊതുവേദികളില് പ്രത്യക്ഷപ്പെട്ടിരുന്നില്ല. എന്നാല്, നിലവില് അദ്ദേഹം ജീവിച്ചിരിപ്പുണ്ടെന്നും മധ്യസ്ഥര് വഴിയും രേഖാമൂലവും രാജ്യത്തിന്റെ സുപ്രധാന തീരുമാനങ്ങളില് സജീവമായി ഇടപെടുന്നുണ്ടെന്നും റൂബിയോ നിയമനിര്മ്മാതാക്കളോട് വിശദമാക്കിയത്.
