.jpg)
യുഎസ് ഡോളറിനെതിരെ ഇറാന് റിയാല് കൂപ്പുകുത്തി ; പ്രതിഷേധവുമായി ജനം തെരുവില്
യുഎസ് ഡോളറിനെതിരെ ഇറാന് റിയാല് കൂപ്പുകുത്തിയതിന് പിന്നാലെ ഞായറാഴ്ചയാണ് ടെഹ്റാനിലെ ഗ്രാന്ഡ് ബസാറിലെ വ്യാപാരികള് പ്രതിഷേധിച്ചത്.
ഇറാന്റെ കറന്സി എല്ലാക്കാലത്തേയും താഴ്ന്ന നിലയില്. തെരുവില് പ്രതിഷേധവുമായി ജനം. പണപ്പെരുപ്പം രൂക്ഷമായതോടെയാണ് സാധാരണക്കാര് തെരുവിലിറങ്ങി പ്രതിഷേധം ആരംഭിച്ചത്. നിലവില് പ്രതിഷേധം മൂന്നാം ദിവസത്തിലേക്ക് എത്തിയിരിക്കുകയാണ്.
യുഎസ് ഡോളറിനെതിരെ ഇറാന് റിയാല് കൂപ്പുകുത്തിയതിന് പിന്നാലെ ഞായറാഴ്ചയാണ് ടെഹ്റാനിലെ ഗ്രാന്ഡ് ബസാറിലെ വ്യാപാരികള് പ്രതിഷേധിച്ചത്. ഈ പ്രതിഷേധം പിന്നാലെ സാധാരണക്കാര് ഏറ്റെടുക്കുകയായിരുന്നു. ഇറാനിലെ പ്രമുഖ നഗരങ്ങളായ കറാജ്, ഹമേദാന്, ക്വെഷം, മലാര്ഡ്, ഇസ്ഫഹാന്, കെര്മാന്ഷാ, ഷിറാസ്, യാസ്ദ് എന്നിവിടങ്ങളിലേക്കും പ്രതിഷേധം വ്യാപിച്ചിട്ടുണ്ട്. പ്രതിഷേധത്തെ സമാധാനത്തോടെ കൈകാര്യം ചെയ്യുമെന്നാണ് ഇറാനിയന് സര്ക്കാര് നിലവില് വിശദമാക്കിയിട്ടുള്ളത്. ഇറാന്റെ സെന്ട്രെല് ബാങ്ക് ഗവര്ണര് മുഹമ്മദ് റെസ ഫാര്സിന് ഇതിനോടകം രാജി വച്ചിട്ടുണ്ട്. 2022ലാണ് ഫാര്സിന് സെന്ട്രല് ബാങ്ക് മേധാവിയായി ചുമതലയേറ്റത്. സര്വകലാശാല വിദ്യാര്ത്ഥികള് അടക്കമാണ് പ്രതിഷേധത്തില് അണി നിരന്നിട്ടുള്ളത്.
tRootC1469263">