ഹാൻ്റാ വൈറസിന് ജനിതകമാറ്റമില്ല; ലോകാരോഗ്യ സംഘടന

ലോകത്തെയാകെ ആശങ്കയിലാഴ്ത്തിയ ഹാൻ്റാ വൈറസിനെപ്പറ്റിയുള്ള ഏറ്റവും പുതിയ വാർത്ത ലോകത്താകെ ആശ്വാസമായിരിക്കുകയാണ്. കോവിഡ് പോലെ ഒരു മഹാമാരിയായി ഹാൻ്റാ വൈറസും മാറുമോ എന്നുള്ളതായിരുന്നു നിലനിന്നിരുന്ന ആശങ്ക. എന്നാൽ ആ ആശങ്കയ്ക്ക് ശമനമായി.

ഹോണ്ടിയസ് ക്രൂയ്സ് കപ്പലിലെ ശ്വാസ കോശ വൈറസായ ഹാൻ്റ വൈറസിന് ജനിതക മാറ്റമില്ലെന്നതാണ് ഏറ്റവും പുതിയ വിവരങ്ങൾ. ഇത് കൂടുതൽ അപകടകാരിയാകില്ല. അപകടകരമായ ഒരു അവ്സ്ഥയിലേക്ക് ഇത് മാറിയിട്ടില്ലെന്നും യൂറോപ്യൻ ആരോ​ഗ്യ ഉദ്യോഗസ്ഥർ വ്യക്തമാക്കി. നിലവിൽ ലഭ്യമായ വൈറസുകൾ പരിശോധിച്ചതിൽ നിന്നുമുള്ള വിവരത്തിൻ്റെ അടിസ്ഥാനത്തിലാണ് ഇത് പുറത്ത് വന്നിരിക്കുന്നത്. രോ​ഗത്തിൻ്റെ ലക്ഷണങ്ങൾ കാണപ്പെടുന്നതിന് മുന്നേ തന്നെ രോ​ഗിയിൽ വൈറസിൻ്റെ സാനിധ്യം ഉണ്ടെന്നതാണ് പകരാൻനുള്ള സാധ്യത വിദ​ഗ്ധർ തള്ളിക്കളയാതിരിക്കാനുള്ള കാരണം.

നിലവിൽ ഹാൻ്റാ വൈറസ് സ്ഥിരീകരിച്ചിരുന്നവരുടെ ഏറ്റവും പുതിയ പരിശോധനാ ഫലങ്ങളും നെ​ഗറ്റീവായിരിക്കുകയാണ്. മൂന്ന് പേരാണ് ഇതുവരെ ഹാൻ്റാ വൈറസ് ബാധകാരണം മരണപ്പെട്ടത്. ആദ്യം ഹാൻ്റാ വൈറസ് റിപ്പോർട്ട് ചെയ്യപ്പെടുമ്പോൾ രോ​ഗികളെ ചികിത്സിക്കാൻ മുന്നിട്ടിറങ്ങിയ ഡോക്ടറുടെ പരിശോധനാ ഫലവും ഇതോടെ നെ​ഗറ്റീവായി.