ഗൾഫ് മേഖലയിൽ വീണ്ടും സംഘർഷഭീതി; ഇറാനെതിരായ ആക്രമണവും ഡ്രോൺ നീക്കങ്ങളും ആശങ്കയിൽ
പശ്ചിമേഷ്യയിൽ അമേരിക്കയും ഇറാനും തമ്മിലുള്ള സംഘർഷം വീണ്ടും രൂക്ഷമായതായി റിപ്പോർട്ടുകൾ. ഇറാനിലെ ഖേശം ദ്വീപിലുള്ള മിസൈൽ കേന്ദ്രത്തിന് നേരെ അമേരിക്കൻ സൈന്യം ആക്രമണം നടത്തിയതായാണ് റിപ്പോർട്ട്. ഇതിന് പിന്നാലെ ബഹ്റൈനിലേക്കും കുവൈത്തിലേക്കും ഇറാൻ ഡ്രോണുകൾ അയച്ചതായും വിവരമുണ്ട്.
ബഹ്റൈനും കുവൈത്തും തങ്ങളുടെ ഭാഗത്തേക്ക് എത്തിയ ഡ്രോണുകളും മിസൈലുകളും തടഞ്ഞതായി അറിയിച്ചിട്ടുണ്ട്. മേഖലയിൽ സൈനിക നീക്കങ്ങൾ ശക്തമാകുന്നത് ഗൾഫ് രാജ്യങ്ങളിലെ സുരക്ഷാ സാഹചര്യത്തെക്കുറിച്ച് ആശങ്ക ഉയർത്തിയിരിക്കുകയാണ്.
ലോകത്തിലെ പ്രധാന എണ്ണക്കടത്ത് പാതകളിലൊന്നായ ഹോർമുസ് കടലിടുക്കിനോട് ചേർന്നുള്ള സംഘർഷം അന്താരാഷ്ട്ര വ്യാപാരത്തെയും എണ്ണവിതരണത്തെയും ബാധിക്കുമെന്ന ആശങ്കയും നിലനിൽക്കുന്നു. മേഖലയിൽ സംഘർഷം വ്യാപിക്കാതിരിക്കാനുള്ള നയതന്ത്ര നീക്കങ്ങളും തുടരുകയാണ്.
.jpg)

