.jpg)
ഇറാനിലെ തന്ത്രപ്രധാനമായ ഹോര്മുസ് കടലിടുക്കിന് സമീപമുള്ള പ്രധാന തുറമുഖ നഗരങ്ങളില് സ്ഫോടന ശബ്ദം കേട്ടതായി റിപ്പോര്ട്ട്
സ്ഫോടനത്തിന്റെ കാരണം നിലവില് വ്യക്തമല്ല.
ഇറാനില് സ്ഫോടന ശബ്ദം കേട്ടതായി റിപ്പോര്ട്ട്. തന്ത്രപ്രധാനമായ ഹോര്മുസ് കടലിടുക്കിന് സമീപമുള്ള പ്രധാന തുറമുഖ നഗരമായ ബന്ദര് അബ്ബാസിലും സമീപ പ്രദേശങ്ങളിലും ചില സ്ഥലങ്ങളില് സ്ഫോടന ശബ്ദം കേട്ടതായി ഇറാനിലെ മാധ്യമങ്ങള് റിപ്പോര്ട്ട് ചെയ്തു. എന്നാല് സ്ഫോടനത്തിന്റെ കാരണം നിലവില് വ്യക്തമല്ല.
ബന്ദര് അബ്ബാസിലെ സ്ഥിതി നിയന്ത്രണ വിധേയമാണെന്നും നഗരത്തിന്റെ കിഴക്ക് ഭാഗത്ത് സ്ഫോടന ശബ്ദങ്ങള് കേട്ടെന്നുമാണ് മെഹര് വാര്ത്താ ഏജന്സി റിപ്പോര്ട്ട് ചെയ്തത്. ബന്ദര് അബ്ബാസ് മേഖലയില് മൂന്ന് തവണ സ്ഫോടനം കേട്ടതായി തസ്നിം വാര്ത്താ ഏജന്സി റിപ്പോര്ട്ട് ചെയ്തു. അതേസമയം തന്ത്രപ്രധാനമായ ജലപാതയ്ക്ക് സമീപമുള്ള സിരിക്, ജാസ്ക് തുടങ്ങിയ സ്ഥലങ്ങളിലും സമാനമായ ശബ്ദം കേട്ടതായി ഫാര്സ് വാര്ത്താ ഏജന്സി അറിയിച്ചു. എന്നാല് ഇതു സംബന്ധിച്ച് ഔദ്യോഗിക പ്രതികരണം ഉണ്ടായിട്ടില്ല.
