.jpg)
വാഹനങ്ങളിൽ അമിത ശബ്ദം ; മുന്നറിയിപ്പുമായി അബുദബി പൊലീസ്
അബുദബി: താമസകേന്ദ്രങ്ങളടക്കമുള്ള പ്രദേശങ്ങളിൽ അമിത ശബ്ദമുള്ള വാഹനങ്ങൾ ഓടിക്കുന്നതിനെതിരെ മുന്നറിയിപ്പുമായി അബൂദബി പൊലീസ്. ചില യുവാക്കൾ അമിത ശബ്ദത്തിലും അലക്ഷ്യമായും അനധികൃതമായ മോഡിഫിക്കേഷനുകൾ നടത്തിയും വാഹനമോടിക്കുന്നത് താമസകേന്ദ്രങ്ങൾ അടക്കമുള്ള ഇടങ്ങളിൽ വലിയ ശല്യമായിട്ടുണ്ടെന്ന് പൊലിസ് പറഞ്ഞു.
tRootC1469263">ഇത്തരം ശബ്ദം കുട്ടികളെയും പ്രായമായവരെയും പരിഭ്രാന്തരാക്കുകയും ആശങ്കയിലാക്കുകയും മറ്റു മാനസിക ബുദ്ധിമുട്ടുകൾക്ക് ഇടയാക്കുകയും ചെയ്യും. അസുഖങ്ങൾ അലട്ടുന്നവരെയും ഇത്തരം പ്രവൃത്തികൾ ശല്യപ്പെടുത്തുന്നുണ്ട്. മറ്റുള്ളവരെ ബുദ്ധിമുട്ടിച്ചുകൊണ്ടാവരുത് ശൈത്യകാലം ആസ്വദിക്കുന്നതെന്നും പൊലീസ് പ്രസ്താവനയിൽ മുന്നറിയിപ്പ് നൽകി.
അമിത ശബ്ദം പുറപ്പെടുവിക്കുന്ന വാഹനങ്ങളുടെ ഡ്രൈവർക്കെതിരെ 2000 ദിർഹം പിഴയും 12 ട്രാഫിക് പോയൻറുകളും ചുമത്തും. അനധികൃത മോഡിഫിക്കേഷൻ നടത്തിയാൽ 1000 ദിർഹം പിഴയും 12 ട്രാഫിക് പോയന്റും ചുമത്തും. വാഹനം 30 ദിവസത്തേക്ക് കണ്ടുകെട്ടുകയും ചെയ്യും. 10,000 ദിർഹം പിഴയടച്ചാൽ മാത്രമേ പിന്നീട് വിട്ടുനൽകൂ. മൂന്നുമാസത്തിനുള്ളിൽ തുക അടച്ചില്ലെങ്കിൽ വാഹനം പരസ്യമായി ലേലം ചെയ്യും. അമിത ശബ്ദമുണ്ടാക്കുന്നതോ അല്ലെങ്കിൽ മറ്റ് നിയമലംഘനങ്ങൾ നടത്തുകയോ ചെയ്യുന്ന വാഹനങ്ങൾ കണ്ടാൽ 999ൽ വിളിച്ചറിയിക്കണമെന്ന് പൊതുജനങ്ങളോട്പൊ ലീസ് ആവശ്യപ്പെട്ടു.