ദക്ഷിണ കൊറിയ പ്ര​സി​ഡ​ന്റിനെ പുറത്താക്കിയ നടപടി അംഗീകരിച്ച് കോടതി

സോ​ൾ: പ​ട്ടാ​ള നി​യ​മം പ്ര​ഖ്യാ​പി​ച്ച​തി​ന്റെ പേ​രി​ൽ യൂ​ൻ സു​ക് യോ​ലി​നെ പ്ര​സി​ഡ​ന്റ് പ​ദ​വി​യി​ൽ​നി​ന്ന് ഇം​പീ​ച്ച് ചെ​യ്ത പാ​ർ​ല​മെ​ന്റ് ന​ട​പ​ടി ദ​ക്ഷി​ണ കൊ​റി​യ​ൻ കോ​ട​തി അം​ഗീ​ക​രി​ച്ചു. സം​ഭ​വം ന​ട​ന്ന് നാ​ലു മാ​സ​ങ്ങ​ൾ​ക്ക് ശേ​ഷ​മാ​ണ് ഭ​ര​ണ​ഘ​ട​ന കോ​ട​തി​യു​ടെ ഐ​ക​ക​​​ണ്ഠ്യേ​ന​യു​ള്ള ഉ​ത്ത​ര​വ്. യൂ​നി​നെ പ​ദ​വി​യി​ൽ​നി​ന്ന് നീ​ക്കി​യ​തോ​ടെ രാ​ജ്യ​ത്ത് ഇ​ട​ക്കാ​ല തെ​ര​ഞ്ഞെ​ടു​പ്പ് ര​ണ്ടു മാ​സ​ത്തി​ന​കം ന​ട​ക്കു​മെ​ന്ന് ഉ​റ​പ്പാ​യി.

പ​ട്ടാ​ള നി​യ​മം പ്ര​ഖ്യാ​പി​ച്ച യൂ​നി​ന്റെ ന​ട​പ​ടി ഭ​ര​ണ​ഘ​ട​നാ​വി​രു​ദ്ധ​മാ​ണെ​ന്ന് എ​ട്ടം​ഗ ബെ​ഞ്ച് ക​​ണ്ടെ​ത്തി​യ​താ​യി വി​ധി പ്ര​ഖ്യാ​പി​ച്ച് ആ​ക്ടി​ങ് ചീ​ഫ് ജ​സ്റ്റി​സ് മൂ​ൺ ഹ്യൂ​ങ് ബീ ​പ​റ​ഞ്ഞു. അ​ടി​യ​ന്ത​രാ​വ​സ്ഥ ച​ട്ട​ങ്ങ​ൾ ദു​രു​പ​യോ​ഗം ചെ​യ്ത ച​രി​ത്രം തി​രി​ച്ചു​കൊ​ണ്ടു​വ​ന്ന യൂ​ൻ, സ​മൂ​ഹ​ത്തി​ലെ സ​ക​ല മേ​ഖ​ല​ക​ളി​ലെ​യും ജ​ന​ങ്ങ​ളി​ൽ ഞെ​ട്ട​ലും ആ​ശ​യ​ക്കു​ഴ​പ്പ​വു​മു​ണ്ടാ​ക്കി. നി​യ​മ​ലം​ഘ​നം രാ​ജ്യ​ത്ത് ഗു​രു​ത​ര പ്ര​ത്യാ​ഘാ​ത​മാ​ണു​​ണ്ടാ​ക്കു​മെ​ന്ന കാ​ര്യം പ​രി​ഗ​ണി​ച്ച് ഭ​ര​ണ​ഘ​ട​ന ഉ​യ​ർ​ത്തി​പ്പി​ടി​ക്കു​ക​യാ​ണ് ഉ​ചി​ത​മെ​ന്ന് ബെ​ഞ്ച് വി​ധി​ച്ച​താ​യും ആ​ക്ടി​ങ് ചീ​ഫ് ജ​സ്റ്റി​സ് പ​ഞ്ഞു.

അ​തേ​സ​മ​യം, കോ​ട​തി വി​ധി അം​ഗീ​ക​രി​ക്കാ​ൻ വി​സ​മ്മ​തി​ച്ച യൂ​ൻ, ജ​ന​ങ്ങ​ളു​ടെ പ്ര​തീ​ക്ഷ​ക്കൊ​ത്ത് പ്ര​വ​ർ​ത്തി​ക്കാ​ൻ ക​ഴി​യാ​ത്ത​തി​ൽ ക്ഷ​മ ചോ​ദി​ക്കു​ന്നെ​ന്ന് പ​റ​ഞ്ഞു. രാ​ജ്യ​ത്തെ സേ​വി​ക്കാ​ൻ ക​ഴി​ഞ്ഞ​തി​ൽ അ​ഭി​മാ​ന​മു​ണ്ട്. രാ​ജ്യ​ത്തി​നും പൗ​ര​ന്മാ​ർ​ക്കും​വേ​ണ്ടി പ്രാ​ർ​ഥി​ക്കു​ന്ന​താ​യും അ​ദ്ദേ​ഹം പു​റ​ത്തി​റ​ക്കി​യ പ്ര​സ്താ​വ​ന​യി​ൽ വ്യ​ക്ത​മാ​ക്കി. യൂ​നി​ന്റെ രാ​ഷ്ട്രീ​യ പാ​ർ​ട്ടി​യാ​യ പീ​പ്ൾ പ​വ​ർ പാ​ർ​ട്ടി വി​ധി അം​ഗീ​ക​രി​ച്ചെ​ങ്കി​ലും തീ​ർ​ത്തും രാ​ഷ്ട്രീ​യ തീ​രു​മാ​ന​മാ​ണെ​ന്ന് അ​ദ്ദേ​ഹ​ത്തി​ന്റെ അ​ഭി​ഭാ​ഷ​ക​രി​ലൊ​രാ​ളാ​യ യൂ​ൻ കാ​പ് ക്യൂ​ൻ പ്ര​തി​ക​രി​ച്ചു. പ്ര​ധാ​ന പ്ര​തി​പ​ക്ഷ​മാ​യ ഡെ​മോ​ക്രാ​റ്റി​ക് പാ​ർ​ട്ടി വി​ധി സ്വാ​ഗ​തം ചെ​യ്തു. ജ​നാ​ധി​പ​ത്യ റി​പ്പ​ബ്ലി​ക്കി​നെ സം​ര​ക്ഷി​ക്കു​ന്ന​താ​ണ് വി​ധി​യെ​ന്ന് നേ​താ​വ് ലീ ​ജേ മ്യൂ​ങ് പ​റ​ഞ്ഞു.