.jpg)
ഹോര്മൂസില് ചരക്ക് കപ്പലിന് നേരെ വീണ്ടും വെടിവെയ്പ്പ്; ജീവനക്കാരുള്പ്പെടെ സുരക്ഷിതർ
Apr 22, 2026, 12:24 IST
ടെഹ്റാന്: ഹോര്മൂസ് കടലിടുക്കില് വീണ്ടും വെടിവെയ്പ്പ്. ചരക്ക് കപ്പലിന് നേരെയാണ് വീണ്ടും വെടിവയ്പ്പ് ഉണ്ടായത്. ഒമാൻ തീരത്തിന് നിന്ന് 15 നോട്ടിക്കല് മൈല് വടക്കുകിഴക്ക് പ്രദേശത്ത് വച്ചാണ് കണ്ടെയ്നര് കപ്പലിന് നേരെ ഐആര്ജിസി ഗണ്ബോട്ട് വെടിയുതിര്ത്തത്. യുകെ മാരിടൈം ട്രേഡ് ഓപ്പറേഷന്സ് (യുകെഎംടിഒ) ആണ് ഇത് സംബന്ധിച്ച വിവരങ്ങള് പുറത്തുവിട്ടത്.
ആക്രമണത്തില് കപ്പലിന് സാരമായ കേടുപാടുണ്ടായതായും യുകെഎംടിഒയെ ഉദ്ധരിച്ച് റിപ്പോര്ട്ടുകള് പറയുന്നു. എന്നാല് സംഭവത്തില് ജീവനക്കാരുള്പ്പെടെ സുരക്ഷിതരാണെന്നും അധികൃതര് അറിയിച്ചു.
വെടിനിര്ത്തല് പുരോഗമിക്കെ കഴിഞ്ഞ ദിവസങ്ങളും ഹോര്മൂസില് കപ്പലുകള്ക്ക് നേരെ ഇറാന് വെടിയുതിര്ത്തിരുന്നു.
