.jpg)
പച്ചപുതച്ച കുന്നും കാടും ഒപ്പം ജലസമൃദ്ധമായ വെള്ളച്ചാട്ടങ്ങളും കാണാം
കൊല്ലം: പച്ചപുതച്ച കുന്നും കാടും ഒപ്പം ജലസമൃദ്ധമായ വെള്ളച്ചാട്ടങ്ങളും കാണണമെങ്കിൽ ജില്ല ബജറ്റ് ടൂറിസം സെല്ലിൻറെ സഹായം തേടാം. എട്ടിന് രാവിലെ 6.30ന് ആരംഭിക്കുന്ന പൊന്മുടി യാത്ര പേപ്പാറ ഡാം, മീൻമുട്ടി വെള്ളച്ചാട്ടം, കല്ലാർ എന്നിവിടങ്ങളിലൂടെ സഞ്ചരിച്ച് പൊന്മുടിയിൽ എത്തിച്ചേരും. 770 രൂപയാണ് നിരക്ക്. 10ന് രാവിലെ അഞ്ചിന് കണ്ണൂർ കൊട്ടിയൂർ വൈശാഖ ഉത്സവയാത്ര. ഇക്കരക്കൊട്ടിയൂർ, മൃദംഗ ശൈലേശ്വരി ക്ഷേത്രം, പറശ്ശിനിക്കടവ് മുത്തപ്പൻ മഠം എന്നീ പ്രശസ്ത ക്ഷേത്രങ്ങളും ഈ യാത്രയിൽ ഉൾപെടും. 3000 രൂപയാണ് നിരക്ക്. ഈ യാത്ര 26നും ഉണ്ടാകും. 12, 24 തീയതികളിൽ ഗവിയിലേക്കുള്ള യാത്ര രാവിലെ അഞ്ചിന് തുടങ്ങും.
tRootC1469263">അടവി ടൂറിസം സെന്റർ, ഗവി, പരുന്തുംപാറ എന്നീ സ്ഥലങ്ങളിലൂടെ രാത്രി 10. 30ന് മടങ്ങിയെത്തും. കുട്ടവഞ്ചി സവാരി, എല്ലാ പ്രവേശന ഫീസുകളും, ഉച്ചഭക്ഷണം, ഗൈഡ് ഫീ എന്നിവ ഉൾപ്പെടെ 1,750 രൂപയാണ് നിരക്ക്. 13ന് അതിരപ്പള്ളി സിൽവർ സ്റ്റോം യാത്ര ആരംഭിച്ച് 14ന് മടങ്ങിയെത്തും. പാർക്ക് എൻട്രി ഫീ, സ്നോ പാർക്ക് ടിക്കറ്റ്, ഉച്ചഭക്ഷണം എന്നിവ ഉൾപ്പെടെ 2,140 രൂപയാണ് നിരക്ക്. 14ന് നടത്തുന്ന കന്യാകുമാരി യാത്രയിൽ തൃപ്പരപ്പ് വെള്ളച്ചാട്ടം, പത്മനാഭപുരം കൊട്ടാരം എന്നിവിടങ്ങളും സന്ദർശിക്കും. 800 രൂപയാണ് നിരക്ക്.
അതേ ദിവസം രാവിലെ 6.30ന് റോസ്മല, പാലരുവി, തെന്മല എന്നീ സ്ഥലങ്ങൾ സന്ദർശിക്കും. എല്ലാ പ്രവേശന ഫീസും ഉൾപ്പെടെ 770 രൂപയാണ് നിരക്ക്. 15ന് വാഗമൺ, കോന്നി-കുംഭാവുരുട്ടി എന്നീ യാത്രകളാണ്. രാവിലെ അഞ്ചിന് പുറപ്പെടുന്ന വാഗമൺ യാത്രയിൽ പൈൻ ഫോറസ്റ്റ്, മൊട്ട കുന്നുകൾ, അഡ്വഞ്ചർ പാർക്ക്, സൂയിസൈഡ് പോയന്റ്, പരുന്തുംപാറ എന്നീ സ്ഥലങ്ങൾ സന്ദർശിക്കും. ഉച്ചഭക്ഷണം ഉൾപ്പെടെ 1,020 രൂപയാണ് നിരക്ക്. രാവിലെ ആറിന് ആരംഭിച്ച് കോന്നി, അടവി, അച്ചൻകോവിൽ, കുംഭാവുരുട്ടി എന്നീ സ്ഥലങ്ങൾ സന്ദർശിച്ച് മടങ്ങിയെത്തുന്ന യാത്രക്ക് 600 രൂപയാണ് നിരക്ക്.
21ന് മെട്രോ വൈബ്‌സ്, കുംഭാവുരുട്ടി എന്നീ രണ്ട് യാത്രകളും 22ന് ഇല്ലിക്കൽ കല്ല്, മാംഗോ മെഡോസ് എന്നീ യാത്രകളും അന്നുതന്നെ ആരംഭിക്കുന്ന പത്തനംതിട്ട ക്ഷേത്രങ്ങളിലേക്കുള്ള യാത്രയിൽ പമ്പഗണപതി, മലയാലപ്പുഴ, പെരുനാട് അയ്യപ്പക്ഷേത്രം, കല്ലേലി ഊരാളി ക്ഷേത്രങ്ങളും സന്ദർശിക്കും.27ന് കൃപാസനം, 28ന് ആതിരപ്പള്ളി, കന്യാകുമാരി, 29ന് പൊന്മുടി, വാഗമൺ യാത്രകളും ഉണ്ടാകും.
