ചോള സാമ്രാജ്യത്തിന്റെ അഭിമാനം ; ഗംഗൈകൊണ്ട ചരിത്രത്തിന്റെ അമൂല്യ നിധി

 രാജരാജ ചോളന്റെ മകനായ രാജേന്ദ്ര ചോളൻ ഒന്നാമൻ ഗംഗാനദി വരെ വിജയയാത്ര നടത്തിയതിന്റെ സ്മരണയ്ക്കായി സ്ഥാപിച്ച നഗരമാണ് ഗംഗൈകൊണ്ട ചോളപുരം.

ഇവിടെയുള്ള ശിവക്ഷേത്രം ബൃഹദീശ്വര ക്ഷേത്രത്തിന്റെ മാതൃകയിൽ നിർമ്മിച്ചതാണെങ്കിലും ശില്പങ്ങളുടെ സൂക്ഷ്മതയും കലാഭംഗിയും വ്യത്യസ്തമാണ്.

നന്ദി മണ്ഡപം, സിംഹമുഖ കിണർ, അതിമനോഹരമായ ശില്പങ്ങൾ എന്നിവ സന്ദർശകരെ ആകർഷിക്കുന്ന പ്രധാന ഘടകങ്ങളാണ്.

യുനെസ്കോയുടെ ലോക പൈതൃക പട്ടികയിൽ ഉൾപ്പെട്ട ഈ ക്ഷേത്രം തമിഴ് സംസ്കാരത്തിന്റെ മഹത്വം ലോകത്തിന് പരിചയപ്പെടുത്തുന്ന കേന്ദ്രമാണ്.