.jpg)
ഷവോമി 17 അള്ട്രാ ലോഞ്ച് ഈ മാസം അവസാനം
കഴിഞ്ഞ മാസങ്ങളിൽ പ്രമുഖ ബ്രാൻഡുകളുടെ നമ്പർ സീരീസുകളിലെ വമ്പന്മാർ വിപണിയിൽ എൻട്രി നടത്തിയിരുന്നു. ലേറ്റായാൽ എന്താ ലേറ്റസ്റ്റ് ആയി എത്തും എന്ന ഡയലോഗോടെ ഏറ്റവും പുതിയ ഷവോമി 17 അള്ട്രാ അവതരിപ്പിക്കാൻ ഒരുങ്ങുകയാണ് ചൈനീസ് ഫോൺ നിർമ്മാതാക്കളായ ഷവോമി. ഈ മാസം അവസാനത്തോടെ ചൈനയിലാകും ഫോൺ ലോഞ്ച് ചെയ്യുക. അനിയൻ ഷവോമി 17 പ്രോ വിപണിയിൽ ട്രെൻഡ് ആയിരിക്കുന്ന സമയത്താണ് ചേട്ടനെയും കമ്പനി ഇറക്കി വിടുന്നത്.
tRootC1469263">ലെയ്ക കാമറ സജ്ജീകരണമാണ് ഫേണിന്റെ ഏറ്റവും വലിയ സവിശേഷത. ഐഫോൺ 17 പ്രോയുമായി ആപ്പിളും എക്സ് 300 പ്രോയുമായി വിവോയും കാമറ ഡിപ്പാർട്ട്മെന്റിൽ മല്ലയുദ്ധം നടത്തുമ്പോഴാണ് പുതിയൊരു ഭടൻ കൂടി യുദ്ധഭൂമിയിലെത്തുന്നത്.
സ്നാപ്ഡ്രാഗൺ 8 എലൈറ്റ് ജെൻ 5 ചിപ്സെറ്റ്, 50-മെഗാപിക്സൽ മെയിൻ സെൻസർ, 200-മെഗാപിക്സൽ ടെലിഫോട്ടോ ക്യാമറ, 50-മെഗാപിക്സൽ അൾട്രാ-വൈഡ്-ആംഗിൾ ലെൻസ് എന്നിവ ഉൾപ്പെടുന്ന കാമറ സജ്ജീകരണം തുടങ്ങിയ പ്രത്യേകതകളാണ് പ്രതീക്ഷിക്കുന്നത്. ചതുരാകൃതിയിലുള്ള കാമറ ഐലന്ഡും പ്രതീക്ഷിക്കുന്നുണ്ട്.
12 ജിബി + 256 ജിബി വേരിയന്റിന് ഏകദേശം 78,000 രൂപയും 16 ജിബി + 1 ടിബി ഓപ്ഷന് ഏകദേശം 93,000 രൂപയുമാണ് പ്രാരംഭ വില പ്രതീക്ഷിക്കുന്നത്.