പുതിയ അപ്ഡേറ്റിന് ഒരുങ്ങി വാട്സ്ആപ്പ്

പുതിയ അപ്ഡേറ്റിന് ഒരുങ്ങുകയാണ് വാട്‌സ്ആപ്പ്. ചാറ്റ് ചെയ്തുകൊണ്ടിരിക്കുമ്പോൾ തന്നെ മെസേജുകൾ പരിഭാഷപ്പെടുത്തുന്ന സംവിധാനമാണ് വരുന്നത്. വാട്‌സ്ആപ്പിന്റെ ഏറ്റവും പുതിയ ബീറ്റ പതിപ്പിൽ ഈ സംവിധാനം പരീക്ഷിച്ചുകൊണ്ടിരിക്കുകയാണെന്നാണ് റിപ്പോർട്ടുകൾ.

പുതിയ സംവിധാനം വരികയാണെങ്കിൽ ചാറ്റ് ചെയ്തുകൊണ്ടിരിക്കുമ്പോൾ തന്നെ ചാറ്റിൽ നിന്ന് പുറത്തിറങ്ങാതെ മെസേജുകൾ വിവർത്തനം ചെയ്ത് വായിക്കാൻ സാധിക്കും. ഈ സംവിധാനം നിലവിൽ വന്നാൽ ചാറ്റ് സെറ്റിങ്ങ്‌സിൽ ട്രാൻസ്ലേറ്റ് മെസേജസ് എന്ന് ഉപയോക്താക്കൾക്ക് കാണാനാകും. ഈ ഫീച്ചർ പ്രവർത്തനക്ഷമമാക്കിയാൽ, നിലവിൽ സ്പാനിഷ്, അറബിക്, ഹിന്ദി, റഷ്യൻ, പോർച്ചുഗീസ് എന്നീ ഭാഷകൾ ഉൾപ്പെടുന്ന ഒരു ലിസ്റ്റിൽ നിന്ന് വിവർത്തനത്തിനായി ഇഷ്ടപ്പെട്ട ഭാഷ തിരഞ്ഞെടുക്കാൻ വാട്ട്സ്ആപ്പ് നിർദേശിക്കും.