.jpg)
ചാറ്റ് ചെയ്തുകൊണ്ടിരിക്കുമ്പോൾ തന്നെ മെസേജുകൾ പരിഭാഷ ചെയ്യാം ; വാട്ട്സ്ആപ്പിന് പുതിയ അപ്ഡേറ്റ് വരുന്നു..
വാട്സ്ആപ്പ് ഉപയോക്താക്കൾക്ക് സന്തോഷവാർത്ത. ചാറ്റ് ചെയ്തുകൊണ്ടിരിക്കുമ്പോൾ തന്നെ മെസേജുകൾ പരിഭാഷപ്പെടുത്തുന്ന സംവിധാനം വാട്സ്ആപ്പിൽ ഒരുങ്ങുന്നു. വാട്സ്ആപ്പിന്റെ ഏറ്റവും പുതിയ ബീറ്റ പതിപ്പിൽ ഈ സംവിധാനം പരീക്ഷിച്ചുകൊണ്ടിരിക്കുകയാണെന്നാണ് റിപ്പോർട്ടുകൾ. പുതിയ സംവിധാനം വരികയാണെങ്കിൽ ചാറ്റ് ചെയ്തുകൊണ്ടിരിക്കുമ്പോൾ തന്നെ ചാറ്റിങ്ങിൽ നിന്ന് പുറത്തിറങ്ങാതെ മെസേജുകൾ വിവർത്തനം ചെയ്ത് വായിക്കാൻ സാധിക്കും.
tRootC1469263">സംവിധാനം നിലവിൽ വന്നാൽ ചാറ്റ് സെറ്റിങ്ങ്സിൽ ട്രാൻസ്ലേറ്റ് മെസേജസ് എന്ന് ഉപയോക്താക്കൾക്ക് കാണാനാകും. ഈ ഫീച്ചർ പ്രവർത്തനക്ഷമമാക്കിയാൽ, നിലവിൽ സ്പാനിഷ്, അറബിക്, ഹിന്ദി, റഷ്യൻ, പോർച്ചുഗീസ് (ബ്രസീൽ) എന്നീ ഭാഷകൾ ഉൾപ്പെടുന്ന ഒരു ലിസ്റ്റിൽ നിന്ന് വിവർത്തനത്തിനായി ഇഷ്ടപ്പെട്ട ഭാഷ തിരഞ്ഞെടുക്കാൻ വാട്ട്സ്ആപ്പ് നിർദേശിക്കും.
ഭാഷ തിരഞ്ഞെടുത്തുകഴിഞ്ഞാൽ വാട്സാപ്പ് നിങ്ങൾ നിർദേശിച്ച ഭാഷ പാക്ക് ഡിവൈസിൽ ഡൗൺലോഡ് ചെയ്യും. പിന്നീട് മെനുവിൽ പോയി വ്യൂ ട്രാൻസ്ലേഷൻ കൊടുക്കാം. ഒറിജിനൽ ടെക്സ്റ്റും വിവർത്തനം ചെയ്ത ടെക്സ്റ്റും കാണിക്കും. ആവശ്യമില്ലെങ്കിൽ ഈ ഫീച്ചർ പ്രവർത്തനരഹിതമാക്കാനുള്ള ഒപ്ഷനുമുണ്ട്. ഓഫ്ലൈനിലും ഇത് പ്രവർത്തിക്കും. സംഭാഷണങ്ങൾ എൻക്രിപ്റ്റ് ചെയ്തതും സ്വകാര്യവുമായിരിക്കും.