തർജമ ചെയ്യാ‍ൻ ഇനി ബുദ്ധിമുട്ടേണ്ട! ഈ ആപ്പുകൾ ഉപയോഗിക്കൂ…

ഹിന്ദിയോ തമി‍ഴോ ഇംഗ്ലീഷോ ഒക്കെ കേട്ടാൽ, ഉയ്യോ! പെട്ടു പോയല്ലോ! എന്ന് തോന്നിയിട്ടുണ്ടോ. . പെട്ടെന്നൊരാൾ നമ്മളോട് ഇതൊന്ന് മലയാളത്തിൽ പറയാ‍‍ൻ പറഞ്ഞാൽ, എനിക്കതറിയില്ല എന്ന് പറയേണ്ടി വന്ന അവസ്ഥ ഉണ്ടായിട്ടുണ്ടോ? എന്നാൽ ഇനി തർജമ ചെയ്യാൻ ബുദ്ധിമുട്ടേണ്ട. അതിനായി ചില മൊബൈൽ ആപ്പുകൾ ഇപ്പോ‍‍ൾ ലഭിക്കും. അതിൽ ചിലത് ഏതൊക്കെയെന്ന് നോക്കാം

1. ഗൂഗിൾ ട്രാൻസലേറ്റ്

ഇന്ന് ഏറെ പ്രചാരത്തിലുള്ള ഒരു ആപ്പാണിത്. ടൈപ്പ് ചെയ്തും, ചിത്രം അപ്ലോഡ് ചെയ്തും സംസാരിച്ചും ഇതിൽ തർജമ ചെയ്യാം.100-ലധികം ഭാഷകൾ വിവർത്തനം ചെയ്യാനുള്ള സൗകര്യം ഈ ആപ്പിലുണ്ട്. മാത്രമല്ല, ഗൂഗിൾ ട്രാൻസലേറ്റ് സ്വയമേവ ഭാഷകൾ കണ്ടെത്തുകയും തത്സമയ സംഭാഷണ വിവർത്തനം നൽകുകയും ചെയ്യും. ഐ ട്രാൻസലേറ്റ്

2. ഐ ട്രാൻസലേറ്റ്

100ലധികം ഭാഷകളിലേക്ക് ദ്രുതഗതിയിൽ വിവർത്തനം ചെയ്യാൻ ഇത് സഹായിക്കും.വിദ്യാർത്ഥികൾക്കും പ്രൊഫഷണലുകൾക്കും വെവ്വേറെ സെറ്റിങ്സുകൾ ഇതിൽ ലഭിക്കും.ഓഫ്‌ലൈനിൽ പോലും വേഗത്തിലുള്ള ടെക്സ്റ്റ് വിവർത്തനം നൽകാൻ ക‍ഴിയുന്ന തരത്തിലാണ് ഈ ആപ്ലിക്കേഷൻ സജ്ജീകരിച്ചിരിക്കുന്നത്. എന്നാൽ ഇത് ഒരു പ്രീമിയം ആപ്പാണ്, ഫ്രീ ട്രയലിന് ശേഷം ആപ്പ് ഉപയോഗിക്കണമെങ്കിൽ പ്രതിമാസം $7.99 നൽകണം.

3. മൈക്രോസോഫ്റ്റ് ട്രാൻസലേറ്റർ

നൂറിലധികം ഭാഷകൾ വിവർത്തനം ചെയ്യാൻ സഹായിക്കുന്ന മറ്റൊരു പ്ലാറ്റ്ഫോമാണ് മൈക്രോസോഫ്റ്റ് ട്രാൻസലേറ്റർ. ഇത് ഒരു സൗജന്യ ആപ്പാണ്. ലൈവ് ഗ്രൂപ്പ് ക്രമീകരണങ്ങളിലും ഇത് പ്രവർത്തിക്കും എന്നതാണ് ഇതിൻ്റെ ഏറ്റവും വലിയ പ്രത്യേകത.