സ്പാം കോളുകൾ കൊണ്ട് പൊറുതിമുട്ടിയോ ? ട്രൈ ചെയ്യാം ഈ വഴികൾ

Whatsapp Group

ഡാറ്റാ ബ്രോക്കർമാർ നമ്മുടെ വ്യക്തിഗത വിവരങ്ങളും ഫോൺ നമ്പറുകളും കോൾ സെന്ററുകൾക്ക് വിൽക്കുന്നതാണ് ഇത്തരം വിളികൾ വർദ്ധിക്കാൻ പ്രധാന കാരണമെന്ന് അദ്ദേഹം ചൂണ്ടിക്കാട്ടുന്നു. സ്പാം കോളുകൾ ഫലപ്രദമായി തടയാനുള്ള ഏഴ് ഘട്ടങ്ങൾ താഴെ പറയുന്നവയാണ്:

    ബിൽറ്റ്-ഇൻ സ്പാം ഫിൽറ്ററുകൾ: സ്മാർട്ട് ഫോണുകളിലെ ഈ ഫീച്ചർ പ്രവർത്തനക്ഷമമാക്കുന്നതിലൂടെ 80 ശതമാനം അനാവശ്യ കോളുകളും തടയാൻ സാധിക്കും.
    സ്പാം ബ്ലോക്കിംഗ് ആപ്പുകൾ: ട്രൂകോളർ (Truecaller), റോബോ കില്ലർ (RoboKiller), നോനോറോബോസ (Nomorobo) തുടങ്ങിയ ആപ്പുകൾ ഇൻസ്റ്റാൾ ചെയ്യുന്നതിലൂടെ സംശയാസ്പദമായ നമ്പറുകൾ തിരിച്ചറിയാനും അവ തനിയെ ബ്ലോക്ക് ചെയ്യാനും കഴിയും.
    ഡാറ്റാ ബ്രോക്കർ സൈറ്റുകളിൽ നിന്ന് വിവരം നീക്കം ചെയ്യുക: സ്പോക്കിയോ (Spokeo), വൈറ്റ് പേജുകൾ പോലുള്ള സൈറ്റുകളിൽ നിന്ന് വിവരങ്ങൾ ഒഴിവാക്കുന്നത് സ്പാം കോളുകൾ 70 ശതമാനം വരെ കുറയ്ക്കാൻ സഹായിക്കും.
    അപരിചിത കോളുകൾക്ക് മറുപടി നൽകാതിരിക്കുക: അറിയാത്ത നമ്പറുകളിൽ നിന്ന് വരുന്ന കോളുകൾക്ക് മറുപടി നൽകാതിരിക്കാൻ ശ്രദ്ധിക്കുക. അബദ്ധവശാൽ പോലും ‘Call Back’ ചെയ്യുന്നത് നിങ്ങളുടെ നമ്പർ സജീവമാണെന്ന് സ്പാമർമാരുടെ AI (Artificial Intelligence) സംവിധാനത്തെ അറിയിക്കുന്നതിന് തുല്യമാണ്.
    ഡിസ്‌പോസിബിൾ നമ്പറുകൾ: ഓൺലൈൻ സൈൻ അപ്പുകൾക്കായി നിങ്ങളുടെ സ്ഥിരം നമ്പറിന് പകരം ഡിസ്‌പോസിബിൾ നമ്പറുകൾ ഉപയോഗിക്കുക.
    അന്താരാഷ്ട്ര കോളുകൾ: ആവശ്യമില്ലാത്തതാണെങ്കിൽ അന്താരാഷ്ട്ര കോളുകൾ വരുന്നത് ബ്ലോക്ക് ചെയ്യുക.
    പരാതി നൽകുക: വരുന്ന സ്പാം കോളുകൾ എഫ്.ടി.സി (Federal Trade Commission) പോലുള്ള ഏജൻസികളിൽ റിപ്പോർട്ട് ചെയ്യുക.

ഈ ഏഴ് ഘട്ടങ്ങളും കൃത്യമായി പാലിക്കുകയാണെങ്കിൽ ആഴ്ചകൾക്കുള്ളിൽ തന്നെ സ്പാം കോളുകളുടെ എണ്ണം ഗണ്യമായി കുറയുന്നതായി കാണാൻ സാധിക്കുമെന്ന് ഉറവിടങ്ങൾ വ്യക്തമാക്കുന്നു