റെഡ്മിA5 പുറത്തിറക്കി

ഇന്ത്യയില്‍ ഷവോമി സബ് ബ്രാന്‍ഡിന്റെ ഏറ്റവും പുതിയ ബജറ്റ് ഫോണായ റെഡ്മി A5 ചൊവ്വാഴ്ച  പുറത്തിറക്കി. റെഡ്മി A5 ഒരു 4ജി ഫോണ്‍ ആണ് . ബജറ്റ് വിലയില്‍ സ്മാര്‍ട്ട്‌ഫോണ്‍ തേടുന്നവരെ ലക്ഷ്യമിട്ടാണ് ഈ റെഡ്മി ഫോണ്‍ പുറത്തിറക്കിയിരിക്കുന്നത് . ഈ മാസം ആദ്യം ആഗോള വിപണിയില്‍ റെഡ്മി A5 ബജറ്റ് 4ജി സ്മാര്‍ട്ട്ഫോണ്‍ ഷവോമി ലോഞ്ച് ചെയ്തിരുന്നു.

ഇന്ത്യയില്‍ ജയ്സാല്‍മര്‍ ഗോള്‍ഡ്, പോണ്ടിച്ചേരി ബ്ലൂ, ജസ്റ്റ് ബ്ലാക്ക് നിറങ്ങളില്‍ ഈ ഫോണ്‍ ലഭ്യമാകുക. 3 ജിബി റാം + 64 ജിബി സ്റ്റോറേജ് മോഡലിന് ഇന്ത്യയില്‍ 6,499 രൂപയാണ് വില. 4 ജിബി റാം + 128 ജിബി സ്റ്റോറേജ് മോഡലിന് 7,499 രൂപയാണ് വില. 10,000 രൂപയില്‍ താഴെ വിലയുള്ള സ്മാര്‍ട്ട്‌ഫോണുകളുടെ സെഗ്മെന്റിലെ ഏറ്റവും വലുതും സുഗമവുമായ ഡിസ്പ്ലേയുമായിട്ടാണ് റെഡ്മി A5 പുറത്തിറക്കിയിരിക്കുന്നത്.

120Hz വരെ റിഫ്രഷ് റേറ്റുള്ള 6.88 ഇഞ്ച് HD+ LCD സ്‌ക്രീനാണ് ഇതില്‍ ഉള്ളത്.യൂണിസോക് T7250 ഒക്ടാ-കോര്‍ പ്രോസസര്‍, 32MP മെയിന്‍ ക്യാമറ, 8MP ഫ്രണ്ട് ക്യാമറ, സൈഡ്-മൗണ്ടഡ് ഫിംഗര്‍പ്രിന്റ് സ്‌കാനര്‍, 15W ഫാസ്റ്റ് ചാര്‍ജിംഗിനുള്ള പിന്തുണ, 5200mAh ബാറ്ററി തുടങ്ങിയ ഫീച്ചറുകളും റെഡ്മി A5 ല്‍ ഉണ്ട്.ഷവോമിയുടെ ഔദ്യോഗിക വെബ്‌സൈറ്റ്, ഫ്‌ലിപ്പ്കാര്‍ട്ട്, ഓഫ് ലൈൻ സ്റ്റോറുകള്‍ എന്നിവ വഴി ഫോണ്‍ വാങ്ങാനാകും.