.jpg)
പാൻ കാർഡ്-ആധാർ ബന്ധിപ്പിക്കാനുള്ള അവസാന തീയതി 31
പാൻ കാർഡ് ആധാറുമായി ബന്ധിപ്പിക്കാനുള്ള സമയപരിധി ഓർമിപ്പിച്ച് ആദായനികുതി വകുപ്പ്. ഇതുവരെയും ബന്ധിപ്പിക്കാത്തവർ 31നകം നടപടികൾ പൂർത്തിയാക്കണമെന്നാണ് ആദായനികുതി വകുപ്പിന്റെ കർശന നിർദേശം.
ഈ സമയപരിധിക്കകത്ത് ലിങ്ക് ചെയ്യാത്തവരുടെ പാൻ കാർഡുകൾ പ്രവർത്തനരഹിതമാകുമെന്നും മുന്നറിയിപ്പുണ്ട്.
tRootC1469263">ഇതുവരെയും പാൻ കാർഡുകൾ ആധാറുമായി ലിങ്ക് ചെയ്യാത്തവർക്ക് 1000 രൂപ അധിക ഫീസായി (ലേറ്റ് ഫീ) അടയ്ക്കേണ്ടതുണ്ട്. എന്നാൽ, 2024 ഒക്ടോബർ ഒന്നിനു ശേഷം ആധാർ എന്റോൾമെന്റ് ഐഡി ഉപയോഗിച്ചു പാൻ കാർഡുകൾ കരസ്ഥമാക്കിയവർ ലിങ്ക് ചെയ്യുന്ന സമയത്ത് ഈ പിഴത്തുക അടയ്ക്കേണ്ടതില്ല.
എങ്ങനെ അറിയാം?
ആദായനികുതിവകുപ്പിന്റെ ഔദ്യോഗിക പോർട്ടലായ https://www.incometax.gov.in/iec/foportal/ എന്ന സൈറ്റിൽ "ലിങ്ക് ആധാർ സ്റ്റാറ്റസ്' എന്ന ഓപ്ഷനിൽ ക്ലിക്ക് ചെയ്ത്, പാൻ നന്പറും ആധാർ നന്പറും സമർപ്പിച്ചു കഴിഞ്ഞാൽ പാൻ കാർഡ് ആധാറുമായി ബന്ധിപ്പിച്ചിട്ടുണ്ടോയെന്ന് അറിയാൻ സാധിക്കും.
എങ്ങനെ ബന്ധിപ്പിക്കാം?
ഇതേ സൈറ്റിൽ ചെന്ന് "ലിങ്ക് ആധാർ' എന്ന ഓപ്ഷനിൽ ക്ലിക്ക് ചെയ്യുക. അതിനു ശേഷം വരുന്ന പേജിൽ പാൻ കാർഡ് നന്പറും ആധാർ കാർഡ് നന്പറും സമർപ്പിക്കുക. പിഴ അടയ്ക്കേണ്ടവർ 1000 രൂപ അധികഫീസ് നൽകുക. പേമെന്റ് വിജയകരമായാൽ ആധാറിലുള്ള പേരും മൊബൈൽ നന്പറും നൽകുക. തുടർന്ന് "ലിങ്ക് ആധാർ' ബട്ടണ് ക്ലിക്ക് ചെയ്ത് മൊബൈലിൽ ലഭിക്കുന്ന ഒടിപി നൽകി വേരിഫിക്കേഷൻ പൂർത്തിയാക്കിയാൽ പാൻ കാർഡ് ആധാറുമായി ബന്ധിപ്പിക്കാനുള്ള അപേക്ഷ സമർപ്പിക്കപ്പെടും.