മോട്ടോ പാഡ് 70 ഗ്രൂവ് ടാബ്ലെറ്റ് വില്പന ആരംഭിച്ചു; വില 32,999 രൂപ മുതൽ

ന്യൂഡൽഹി: മോട്ടോറോളയുടെ പുതിയ ടാബ്‌ലെറ്റ് മോട്ടോ പാഡ് 70 ഗ്രൂവ് ഇന്ത്യയിൽ വിൽപ്പനയ്‌ക്കെത്തി. 8ജിബി റാം, 256ജിബി സ്റ്റോറേജ് പതിപ്പിന് 36,999 രൂപയാണ് ലോഞ്ച് വില. ബാങ്ക് ഓഫറുകൾ ഉൾപ്പെടെ 32,999 രൂപയാണ് ഫലപ്രദമായ വില. ഫ്ലിപ്‌കാർട്ട്, മോട്ടോറോള.ഇൻ, രാജ്യത്തെ പ്രമുഖ റീട്ടെയിൽ സ്റ്റോറുകൾ എന്നിവിടങ്ങളിൽ ടാബ്‌ലെറ്റ് ലഭ്യമാണ്.

12.1 ഇഞ്ച് 2.5കെ 120ഹേർട്സ് ഡിസ്‌പ്ലേ, ഒമ്പത് യൂണിറ്റ് ജെബിഎൽ പ്രോ സ്‌പീക്കർ സിസ്റ്റം, മീഡിയടെക് ഡൈമെൻസിറ്റി 7400 പ്രോസസർ, 10,200 എംഎഎച്ച് ബാറ്ററി എന്നിവയാണ് പ്രധാന സവിശേഷതകൾ. 45 വാട്ട് ടർബോപവർ ഫാസ്റ്റ് ചാർജിംഗും 360 ഡിഗ്രി കിക്ക്‌സ്റ്റാൻഡ് 2.0-യും ടാബ്‌ലെറ്റിലുണ്ട്.

ഡോൾബി വിഷൻ, ഡോൾബി അറ്റ്‌മോസ്, 13 മെഗാപിക്‌സൽ ബാക്ക് ക്യാമറ, 8 മെഗാപിക്‌സൽ ഫ്രണ്ട് ക്യാമറ എന്നിവയാണ് മറ്റു പ്രധാന സവിശേഷതകൾ. ഗൂഗിൾ ജെമിനി, സർക്കിൾ ടു സെർച്ച്, എഐ റൈറ്റിംഗ് ടൂളുകൾ, എഐ നോട്ട്സ്, സ്‌മാർട്ട് കണക്ട് തുടങ്ങിയ എഐ അധിഷ്ഠിത ഫീച്ചറുകളും ടാബ്ലെറ്റിലുണ്ട്. ആൻഡ്രോയ്‌ഡ്‌ 16 ഒഎസിലാണ് ഉപകരണം എത്തുന്നത്.  ആൻഡ്രോയ്‌ഡ്‌ 18 വരെയുള്ള ഒഎസ് അപ്ഡേറ്റുകളും നാല് വർഷത്തെ സുരക്ഷാ അപ്ഡേറ്റുകളും കമ്പനി ഉറപ്പു നൽകുന്നു.