.jpg)
ഓഡിയോ സഹിതം മോഷൻ ഫോട്ടോ അയക്കാം ; വാട്ട്സാപ്പിൽ ഫീച്ചർ വരുന്നു
Updated: Aug 10, 2025, 21:02 IST
വാട്ട്സാപ്പിൽ ഓഡിയോ സഹിതം മോഷൻ ഫോട്ടോകൾ അയക്കാൻ സാധിക്കുന്ന ഫീച്ചർ വരുന്നു. ആൻഡ്രോയിഡിലായിരിക്കും ആദ്യ ഘട്ടത്തിൽ ഈ ഫീച്ചർ വരിക. പരീക്ഷണഘട്ടത്തിലാണ് ഇതെന്നും വാർത്തകളിലുണ്ട്.
വാട്ട്സാപ്പിന്റെ പുതിയ ബീറ്റ പതിപ്പിൽ ഈ ഫീച്ചർ കണ്ടെത്തിയിട്ടുണ്ട്. ചില ബീറ്റാ ടെസ്റ്റർമാർക്ക് ലഭ്യമാകാൻ ഇടയുണ്ട്. ഇതോടെ, ഉപയോക്താക്കൾക്ക് ഒരു ഷോട്ട് എടുക്കുന്നതിന് മുമ്പും ശേഷവും ഓഡിയോയും മോഷനും പകർത്തുന്ന മോഷൻ ഫോട്ടോകൾ അയയ്ക്കാൻ കഴിയും. ഫോൺ നമ്പറുകൾക്ക് പകരം മറ്റുള്ളവരുടെ യൂസർ നെയിമുകളിലും ഫോട്ടോകൾ ഷെയർ ചെയ്യാൻ സാധിക്കുന്ന പരീക്ഷണവും നടക്കുന്നുണ്ട്.
tRootC1469263">
ഗൂഗിൾ പ്ലേയിൽ ഇപ്പോൾ ലഭ്യമായ ആൻഡ്രോയിഡ് 2.25.22.29-നുള്ള വാട്ട്സാപ്പ് ബീറ്റയിലാണ് പുതിയ സവിശേഷത ആദ്യം കണ്ടെത്തിയത്. ബീറ്റാ ടെസ്റ്റർമാർക്ക് ഫീച്ചർ ആക്സസ് ചെയ്യാനും അത് പരീക്ഷിക്കാനും കഴിയണം. എല്ലാ ബീറ്റാ ടെസ്റ്റർമാരിലേക്കും ഇത് എത്തുന്നതിന് കുറച്ച് ദിവസങ്ങൾ എടുത്തേക്കാം. ഒരു ഫോട്ടോ എടുക്കുന്നതിന് മുമ്പും ശേഷവുമുള്ള സെക്കൻഡുകളുടെ റെക്കോർഡിങ് എന്നാണ് മോഷൻ ഫോട്ടോകളെ വാട്ട്സാപ്പ് വിശേഷിപ്പിക്കുന്നത്
