കോടിയേരി ബാലകൃഷ്ണൻ വനിതാ ടി20 ക്രിക്കറ്റ് ടൂർണമെൻറ്: ട്രിവാൻഡ്രം റോയൽസിനെ സജ്ന സജീവൻ നയിക്കും

തിരുവനന്തപുരം: കോടിയേരി ബാലകൃഷ്ണന്റെ സ്മരണാർഥം ഏപ്രിൽ 13 ന് തലശ്ശേരിയിൽ  ആരംഭിക്കുന്ന  വനിതാ ടി20 ക്രിക്കറ്റ്  ടൂർണമെന്റിനുള്ള ട്രിവാൻഡ്രം റോയൽസ് ടീമിനെ പ്രഖ്യാപിച്ചു. ഇന്ത്യൻ താരം സജന സജീവൻ ആണ് ടീം ക്യാപ്റ്റൻ.  ഏപ്രിൽ 14 ന് രാവിലെ 8 മണിക്ക് നടക്കുന്ന മത്സരത്തിൽ തൃശൂർ ടൈറ്റൻസ് ആണ്  ട്രിവാൻഡ്രം റോയൽസിൻറെ ആദ്യ എതിരാളി. എട്ട് ടീമുകളാണ് ടൂർണമെന്റിൽ പങ്കെടുക്കുന്നത്. തലശ്ശേരി  കോണോർവയൽ ക്രിക്കറ്റ് സ്റ്റേഡിയത്തിൽ വച്ചാണ് മത്സരങ്ങൾ നടക്കുക.

ട്രിവാൻഡ്രം റോയൽസ് ടീമംഗങ്ങൾ: സജന സജീവൻ ( ക്യാപ്റ്റൻ ), അബിന മാർട്ടിൻ , സാന്ദ്ര എസ്, മാളവിക സാബു, നിയതി അർ മഹേഷ്, പ്രിതിക പി, വിഷ്ണുപ്രിയ, ഇഷ ഫൈസൽ, മയൂക വി നായർ, നന്ദിനി പി.ടി, റെയ്ന റോസ്, ധനുഷ, നേഹ സിവി, നേഹ ഷിനോയ്, നജ്ല സിഎംസി, സിൽ ഹ സന്തോഷ്. ടീം കോച്ച് - അനു അശോക്‌, ടീം മാനേജർ - രാജൂ മാത്യൂ