കേരള ടീമിൻറെ ഒമാൻ പര്യടനം: ടീം പ്രഖ്യാപിച്ചു

തിരുവനന്തപുരം: ഐ.സി.സി റാങ്കിങ്ങിൽ ഉൾപ്പെട്ട   ഒമാൻ ദേശീയ ടീമുമായി പരിശീനമത്സരത്തിനുള്ള കേരള ക്രിക്കറ്റ് ടീം പ്രഖ്യാപിച്ചു. രഞ്ജി ട്രോഫിയിൽ കേരളത്തിനുവേണ്ടി മികച്ച പ്രകടനം കാഴ്ചവച്ച മൊഹമ്മദ് അസറുദ്ദീനാണ് ടീം ക്യപറ്റൻ.  ഏപ്രിൽ 20 മുതൽ 26 വരെ   5 ഏകദിനങ്ങളായിട്ടാണ് മത്സരങ്ങൾ ക്രമീകരിച്ചിരിക്കുന്നത്. മത്സരത്തിന് മുന്നോടിയായിട്ടുള്ള  ക്യാമ്പ്   ഈ മാസം 15 മുതൽ 18 വരെ തിരുവനന്തപുരത്ത് വച്ച് നടക്കും. ഏപ്രിൽ 19 ന് തിരുവനന്തപുരം അന്താരാഷ്ട്ര വിമാനത്താവളത്തിൽ നിന്നും ടീം അംഗങ്ങൾ ഒമാനിലേയ്ക്ക് തിരിക്കും. 

ടീം അംഗങ്ങൾ :  രോഹൻ എസ് കുന്നുമ്മൽ, അഹമ്മദ് ഇമ്രാൻ, സൽമാൻ നിസാർ, മൊഹമ്മദ് അസറുദ്ദീൻ,ഷോൺ റോജർ, ഗോവിന്ദ് ദേവ് ഡി പൈ, അഭിഷേക് പി നായർ, അബ്ദുൾ ബാസിത് പി എ, അക്ഷയ് മനോഹർ, ഷറഫുദീൻ എൻ.എം, നിധീഷ് എം.ഡി, ബേസിൽ എൻ.പി, ഏദൻ അപ്പിൾ ടോം, ശ്രീഹരി എസ് നായർ, ബിജു നാരായണൻ എൻ, മാനവ് കൃഷ്ണ. ഹെഡ് കോച്ച് - അമയ് ഖുറേസിയ, അസിസ്റ്റ്റ് കോച്ച് - രജീഷ് രത്നകുമാർ, നിരീക്ഷകൻ - നാസിർ മച്ചാൻ