.jpg)
യൂട്യൂബർ ഫിറോസ് ചുട്ടിപ്പാറയ്ക്കും ഗോൾഡൻ വിസ ;വിസ നൽകിയ ഇഖ്ബാൽ മാർക്കോണിക്ക് ആടിനെ സമ്മാനമായി നൽകി ചുട്ടിപ്പാറ
ദുബായ്: ആടുമായി ഗോൾഡൻ വിസ സ്വീകരിക്കാൻ എത്തി പ്രശസ്ത പാചക യൂട്യൂബ് വ്ലോഗർ ഫിറോസ് ചുട്ടിപ്പാറ , തനിക് ഗോൾഡൻ വിസ തരപ്പെടുത്താൻ സഹായിച്ച ദുബായിലെ സർക്കാർ സേവന ദാതാക്കളായ ഇ.സി.എച്ഛ് ഡിജിറ്റൽ സി.ഇ.ഓ ഇഖ്ബാൽ മാർക്കോണിക്ക് ആടിനെ സമ്മാനമായി കൈമാറി , തന്റെ കൂട്ടുകാരും ദുബായിലെ ഫാമിൽ നിന്നും വാങ്ങിയ ആടുമായിട്ടാണ് ഗോൾഡൻ വിസ സ്വീകരിക്കാൻ ഫിറോസ് ചുട്ടിപ്പാറ എത്തിയത് .
tRootC1469263">അടുത്ത ദിവസം ദുബായിൽ ഒരു വലിയ ഒട്ടകത്തെ മരുഭൂമിയിൽ പാചകം ചെയ്യാനുള്ള ഒരുക്കത്തിലാണ് ഫിറോസ് ചുട്ടിപ്പാറയും കൂട്ടുകാരും , നേരത്തെ മയിലിനെ കറി വെക്കാൻ ദുബായിലെത്തിയ ഫിറോസ് ചുട്ടിപ്പാറയുടെ യൂട്യൂബ് വീഡിയോ വൈറലായിരുന്നു .
അഞ്ച് വർഷത്തെ പ്രവാസ ജീവിതത്തിനു ശേഷം സുഹൃത്തിൻ്റെ പിന്തുണയോടെ തുടങ്ങിയ ചാനലിനു റീച്ച് വർദ്ധിച്ചത് വളരെപ്പെട്ടന്നായിരുന്നു. ഇതിന് കാരണം ഫിറോസിന്റെ പാലക്കാടൻ ശൈലിയിലെ സംസാരവും വ്യത്യസ്ത തരം പാചകവുമായിരുന്നു. ഫുൾജാർ സോഡയിൽ നിന്നും തുടങ്ങി, ജയിലർ ചിക്കൻ വരെ എത്തി നിൽക്കുന്ന ചാനലിൽ ഇരുനൂറോളം വീഡിയോകൾ നിലവിലുണ്ട്. ഭൂരിഭാഗം വീഡിയകൾക്കും ഒരു മില്യണിലധികം കാഴ്ചക്കാരുണ്ട്. ഇതിൽ തന്നെ " കുച്ചി ഐസ് റസിപ്പിക്ക് 54 മില്യൺ വ്യൂവേഴ്സാണുള്ളത്.
ഇന്തോനേഷ്യ, തായ്ലന്റ്, യുഎഇ എന്നിവിടങ്ങളിൽ ചെന്ന് 100 കിലോ മുതല ഗ്രിൽ, പെരുമ്പാമ്പ് ഗ്രിൽ, ഒട്ടകത്തിൻ്റെ ഇറച്ചി കൊണ്ടുള്ള വിഭവങ്ങൾ തുടങ്ങി വ്യത്യസ്ത ഇനങ്ങളും ഉണ്ടാക്കി ശ്രദ്ധ നേടിയ ഫിറോസ് ചുട്ടിപ്പാറയുടെ ഔട്ട് ഡോർ പാചകത്തിന് കുട്ടികൾ മുതൽ മുതിർന്നവർ വരെ കാഴ്ചക്കാരാണ്. പാചക വിഡിയോയ്ക്ക് പുറമെ യാത്രാ വിവരണവും ചാനലിൽ ഉൾപ്പെടുത്താറുണ്ട്. മാസങ്ങൾക്ക് മുൻപാണ് ഗോൾഡൺ വിസക്ക് അപേക്ഷിച്ചത്. വിസ ലഭിച്ചത് തൻ്റെ പ്രേക്ഷകർ മൂലമാണെന്നും എല്ലാവർക്കും ഈ സന്തോഷത്തിൻ്റെ ക്രെഡിറ്റ് സമർപ്പിക്കുന്നതായും ഫിറോസ് ചുട്ടിപ്പാറ പറഞ്ഞു.
