.jpg)
യുഎഇയില് മഴയ്ക്കും ശക്തമായ കാറ്റിനും സാധ്യത: യെലോ അലര്ട്ട് പ്രഖ്യാപിച്ചു
ശ്വാസകോശ സംബന്ധമായ അസുഖമുള്ളവർ പ്രത്യേകം ശ്രദ്ധിക്കണം.
അന്തരീക്ഷത്തില് പൊടി ഉയരുന്ന സാഹചര്യത്തില് നേരിട്ട് പുറത്തിറങ്ങുന്നത് ഒഴിവാക്കണമെന്നും വീടിന്റെയും കെട്ടിടങ്ങളുടെയും വാതിലുകളും ജനലുകളും അടച്ചിടണമെന്നും അധികൃതർ ഓർമിപ്പിച്ചു. റോഡുകളില് ദൃശ്യപരത കുറയാൻ സാധ്യതയുള്ളതിനാല് വാഹനമോടിക്കുന്നവർ അതീവ ജാഗ്രത പാലിക്കണമെന്നും ഗതാഗത നിയമങ്ങള് കർശനമായി പാലിക്കണമെന്നും നിർദേശമുണ്ട്. ശ്വാസകോശ സംബന്ധമായ അസുഖമുള്ളവർ പ്രത്യേകം ശ്രദ്ധിക്കണം.
tRootC1469263">ഔദ്യോഗിക സ്രോതസ്സുകളില് നിന്നുള്ള കാലാവസ്ഥാ വിവരങ്ങള് മാത്രം വിശ്വസിക്കണമെന്നും തെറ്റായ വിവരങ്ങളോ കിംവദന്തികളോ പ്രചരിപ്പിക്കരുതെന്നും കാലാവസ്ഥാ കേന്ദ്രം ഊന്നിപ്പറഞ്ഞു. രാജ്യത്ത് ആകാശം മേഘാവൃതമായിരിക്കുമെന്നും തീരദേശങ്ങളിലും വടക്കൻ, കിഴക്കൻ മേഖലകളിലും മഴയ്ക്ക് സാധ്യതയുണ്ടെന്നും റിപ്പോർട്ടുകള് വ്യക്തമാക്കുന്നു. ചിലയിടങ്ങളില് മഴയോടൊപ്പം ശക്തമായ കാറ്റിനും സാധ്യതയുള്ളതിനാല് കടല്യാത്ര ചെയ്യുന്നവരും വിനോദസഞ്ചാരികളും ബുള്ളറ്റിനുകള് ശ്രദ്ധിക്കണമെന്ന് അധികൃതർ അറിയിച്ചു.
