.jpg)
നെസ്ലെയുടെ ബേബി ഫോര്മുല ഉല്പ്പന്നങ്ങളുടെ ചില ബാച്ചുകള് തിരിച്ചുവിളിച്ച് യുഎഇ
മുന്കരുതല് നടപടിയുടെ ഭാഗമായാണ് നിര്ദ്ദിഷ്ട ബാച്ചുകള് വിപണിയില് നിന്ന് നീക്കം ചെയ്യുന്നത്.
പ്രമുഖ കമ്പനിയായ നെസ്ലെയുടെ ബേബി ഫോര്മുല ഉല്പ്പന്നങ്ങളുടെ ചില ബാച്ചുകള് യുഎഇ വിപണിയില് നിന്ന് തിരിച്ചുവിളിച്ചു. ബാക്ടീരിയയുടെ സാന്നിധ്യം കണ്ടെത്തിയതിനെത്തുടര്ന്നാണ് നെസ്ലെയുടെ പരിമിതമായ ചില ഉല്പ്പന്നങ്ങള് നിരോധിച്ചതെന്ന് എമിറേറ്റ്സ് ഡ്രഗ് എസ്റ്റാബ്ലിഷ്മെന്റ് ബുധനാഴ്ച അറിയിച്ചത്. മുന്കരുതല് നടപടിയുടെ ഭാഗമായാണ് നിര്ദ്ദിഷ്ട ബാച്ചുകള് വിപണിയില് നിന്ന് നീക്കം ചെയ്യുന്നത്.
tRootC1469263">
തിരിച്ചുവിളിച്ച ഉല്പ്പന്നങ്ങള്
താഴെ പറയുന്ന ബ്രാന്ഡുകളുടെ ചില ബാച്ചുകളാണ് തിരിച്ചുവിളിച്ചിട്ടുള്ളത്:
നാന് കംഫര്ട്ട് 1
നാന് ഒപ്റ്റിപ്രോ 1
നാന് സുപ്രീം പ്രോ 1, 2, 3
ഇസോമില് അള്ട്ടിമ 1, 2, 3
അല്ഫമിനോ
ഈ ഉല്പ്പന്നങ്ങള് നിര്മ്മിക്കാന് ഉപയോഗിച്ച അസംസ്കൃത വസ്തുക്കളില് 'ബാസിലസ് സെറിയസ്' എന്ന ബാക്ടീരിയയുടെ സാന്നിധ്യം കണ്ടെത്തിയതിനെത്തുടര്ന്നാണ് നടപടി. ഇത് വിഷാംശം ഉല്പ്പാദിപ്പിക്കാന് സാധ്യതയുള്ളതിനാലാണ് ഉപഭോക്താക്കളുടെ സുരക്ഷ മുന്നിര്ത്തി ഇവ ഒഴിവാക്കാന് തീരുമാനിച്ചത്.
യൂറോപ്പ്, ആഫ്രിക്ക, അമേരിക്ക, ഏഷ്യ എന്നിവിടങ്ങളിലെ 37-ഓളം രാജ്യങ്ങളില് നെസ്ലെ ഈ ഉല്പ്പന്നങ്ങള് തിരിച്ചുവിളിച്ചിട്ടുണ്ട്. ജിസിസി രാജ്യങ്ങളായ സൗദി അറേബ്യ, കുവൈത്ത്, ഖത്തര് എന്നിവിടങ്ങളിലും ഈ ഉല്പ്പന്നങ്ങള്ക്ക് നിയന്ത്രണം ഏര്പ്പെടുത്തിയിട്ടുണ്ട്.