ഒമാനിൽ വേനൽച്ചൂട് രൂക്ഷം ; വിവിധ മേഖലകളിൽ താപനില 47 ഡിഗ്രി കടന്നു

ഒമാനിൽ വേനൽച്ചൂട് രൂക്ഷം ; വിവിധ മേഖലകളിൽ താപനില 47 ഡിഗ്രി കടന്നു

മസ്കറ്റ്: ഒമാനിൽ വേനൽക്കാല താപനില ഉയരുന്നതായി സിവിൽ ഏവിയേഷൻ അതോറിറ്റിയുടെ കാലാവസ്ഥാ നിരീക്ഷണ കേന്ദ്രങ്ങൾ അറിയിച്ചു. രാജ്യത്തിന്റെ വിവിധ വിലായത്തുകളിൽ കഴിഞ്ഞ 24 മണിക്കൂറിനിടെ രേഖപ്പെടുത്തിയത് റെക്കോർഡ് ചൂടാണ്. ഒമാനിൽ ഇത്തവണ രേഖപ്പെടുത്തിയതിൽ ഏറ്റവും ഉയർന്ന താപനിലയായ 47.5 ഡി​ഗ്രി സെൽഷ്യസാണ്. അൽ റുസ്താഖിലാണ് ഈ ഉയർന്ന താപനില റിപ്പോർട്ട് ചെയ്തത്.

ഫഹൂദിൽ 47.2 ഡി​ഗ്രി സെൽഷ്യസും ദംവാ അൽ തയീനിൽ 47.0 ഡി​ഗ്രി സെൽഷ്യസും രേഖപ്പെടുത്തിയതോടെ മറ്റ് അടുത്ത പ്രദേശങ്ങളും ഉയർന്ന താപനിലയിലാണ് ഒന്നിലധികം ഗവർണറേറ്റുകളിലേക്ക് ചൂട് വ്യാപിച്ചതിനാൽ മെർക്കുറി ലെവൽ 40-കളുടെ മധ്യത്തേക്കാൾ വളരെ ഉയർന്ന നിലയിലെത്തി. അൽ അമറാത്ത്, സുനൈന, ബിദിയ അൽ കാമിൽ, സമൈൽ എന്നിവിടങ്ങളിൽ 46.6 ഡി​ഗ്രി താപനില രേഖപ്പെടുത്തി.