.jpg)
യുഎഇയില് വേനല്ച്ചൂട് ശക്തമാകുന്നു; താപനില 43 ഡിഗ്രിയിലേക്ക് ഉയരാന് സാധ്യത
Apr 27, 2026, 13:28 IST
ഉള്പ്രദേശങ്ങളില് ചൂട് 43 ഡിഗ്രി വരെ എത്തുമ്പോള്, തീരദേശങ്ങളില് അന്തരീക്ഷ ഈര്പ്പം ഉയര്ന്നുതന്നെ നില്ക്കും.
വരും ദിവസങ്ങളില് യുഎഇയില് താപനില ഗണ്യമായി വര്ധിക്കുമെന്നും അന്തരീക്ഷം ഭാഗികമായി മേഘാവൃതമായിരിക്കുമെന്നും ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. രാജ്യത്തിന്റെ ഉള്പ്രദേശങ്ങളില് ചൂട് 43 ഡിഗ്രി സെല്ഷ്യസ് വരെ ഉയര്ന്നേക്കാം. ഉള്പ്രദേശങ്ങളില് ചൂട് 43 ഡിഗ്രി വരെ എത്തുമ്പോള്, തീരദേശങ്ങളില് അന്തരീക്ഷ ഈര്പ്പം ഉയര്ന്നുതന്നെ നില്ക്കും. ഇത് ചൂട് മൂലമുള്ള അസ്വസ്ഥത വര്ധിപ്പിക്കും.
മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന കാറ്റ് പൊടിപടലങ്ങള് ഉയരാന് കാരണമാകും. ഇത് കാഴ്ചാപരിധി കുറച്ചേക്കാം.