.jpg)
കുവൈത്തിലെ ഏറ്റവും കൂടുതല് ജനസാന്ദ്രതയുള്ള പ്രദേശമായി സാല്മിയ
തൊഴിലവസരങ്ങള് കൂടുതലുള്ള കേന്ദ്രങ്ങള്ക്കടുത്തുള്ള സ്ഥാനം എന്നിവയാണ് ഈ മേഖലകളുടെ ജനസംഖ്യാ വര്ധനവിന് പ്രധാന കാരണങ്ങള്.
കുവൈത്തിലെ ഏറ്റവും വലിയ ജനസാന്ദ്രതയുള്ള പ്രദേശമായി സാല്മിയ. 2025 ജൂണ് 30നുള്ള പബ്ലിക് അതോറിറ്റി ഫോര് സിവില് ഇന്ഫര്മേഷന്റെ പുതിയ ജനസംഖ്യാ കണക്കുകള് പ്രകാരം 3,31,462 പേര് ഇപ്പോള് സാല്മിയയില് താമസിക്കുന്നു. തീരദേശവും വ്യാപാരവും സമന്വയിപ്പിച്ചിരിക്കുന്ന ഈ പ്രദേശം വാസയോഗ്യമായ താമസ സ്ഥലങ്ങള്ക്കും അടിസ്ഥാനസൗകര്യങ്ങള്ക്കും ഉയര്ന്ന ആവശ്യകത കാണിക്കുന്നതായും റിപ്പോര്ട്ടില് വ്യക്തമാക്കുന്നു.
tRootC1469263">ഫര്വാനിയ 3,09,871 പേരുമായി രണ്ടാമത്തെ സ്ഥാനത്താണ്. അതിനുശേഷം, 2,82,263 താമസക്കാരോടെയാണ് ജലീബ് അല് ഷുവൈഖ് മൂന്നാം സ്ഥാനത്തെത്തുന്നത്. ഈ രണ്ട് മേഖലകളും കടുത്ത ജനസാന്ദ്രതയും ഉയര്ന്ന പ്രവാസി തൊഴിലാളി സാന്നിധ്യവും നഗര വ്യാപനത്തിന് പരിമിതിയുള്ള ഭൗമിശാസ്ത്രപരമായ ഘടനയും കാരണം പതിവായി തിരക്കേറിയ പ്രദേശങ്ങളായി തുടരുന്നു. ഹവല്ലി 2,42,214 ആളുകളുമായി നാലാം സ്ഥാനത്തും, 2,30,854 പേര് താമസിക്കുന്ന മഹ്ബൂല അഞ്ചാം സ്ഥാനത്തുമാണ്. ഭവന നിര്മാണങ്ങളിലുണ്ടായ വേഗത്തിലുള്ള പുരോഗതിയും, തൊഴിലവസരങ്ങള് കൂടുതലുള്ള കേന്ദ്രങ്ങള്ക്കടുത്തുള്ള സ്ഥാനം എന്നിവയാണ് ഈ മേഖലകളുടെ ജനസംഖ്യാ വര്ധനവിന് പ്രധാന കാരണങ്ങള്.
