.jpg)
വിമാന സര്വീസുകളുടെ വിലക്ക് നീട്ടി ഖത്തര് എയര്വേയ്സ്
Jul 31, 2026, 14:02 IST
പ്രത്യേക സാഹചര്യങ്ങള് കണക്കിലെടുത്ത് സര്വീസ് നിര്ത്തിവെക്കല് ഓഗസ്ത് 7 വരെ ദീര്ഘിപ്പിക്കാന് തീരുമാനിക്കുകയായിരുന്നു.
കുവൈത്ത്, ബഹ്റൈന്, ഇറാഖിലെ ഇര്ബീല് എന്നിവിടങ്ങളിലേക്കുള്ള വിമാന സര്വീസുകളുടെ താല്ക്കാലിക വിലക്ക് ഓഗസ്ത് 7 വരെ നീട്ടിയതായി ഖത്തര് എയര്വേയ്സ് അറിയിച്ചു. ഔദ്യോഗിക വെബ്സൈറ്റ് വഴിയാണ് വിമാന കമ്പനി ഇക്കാര്യം സ്ഥിരീകരിച്ചത്.
നേരത്തെ ഈ മാസം 24ന് പുറപ്പെടുവിച്ച നിര്ദ്ദേശപ്രകാരം 31 വരെ സര്വീസുകള് നിര്ത്തിവയ്ക്കാന് തീരുമാനിച്ചിരുന്നതാണ്. എന്നാല് പ്രത്യേക സാഹചര്യങ്ങള് കണക്കിലെടുത്ത് സര്വീസ് നിര്ത്തിവെക്കല് ഓഗസ്ത് 7 വരെ ദീര്ഘിപ്പിക്കാന് തീരുമാനിക്കുകയായിരുന്നു.