.jpg)
വിവാഹത്തിന് മുമ്പ് മെഡിക്കല് പരിശോധന നിര്ബന്ധമാക്കി ഒമാന്
വിവാഹം രാജ്യത്തിനുള്ളിലോ പുറത്തോ നടന്നാലും, അല്ലെങ്കില് വധുവോ വരനോ ഒരാള് വിദേശിയാണെങ്കിലും, വിവാഹ കരാര് പൂര്ത്തിയാക്കുന്നതിനുള്ള അടിസ്ഥാന നിബന്ധനയായിരിക്കും ഈ മെഡിക്കല് പരിശോധന.
വിവാഹിത ജീവിതത്തിലേക്ക് കടക്കുന്നതിന് മുന്പ് ആരോഗ്യ സുരക്ഷ ഉറപ്പാക്കുന്നതിന് സുപ്രധാന തീരുമാനവുമായി ഒമാന് സുല്ത്താനേറ്റ്. വിവാഹം കഴിക്കാന് ആഗ്രഹിക്കുന്ന എല്ലാ ഒമാനി പൗരന്മാര്ക്കും വിവാഹത്തിന് മുന്പ് മെഡിക്കല് പരിശോധന നിര്ബന്ധമാക്കിയെന്ന് ഒമാന് ആരോഗ്യമന്ത്രാലയം അറിയിച്ചു. 2026 ജനുവരി 1 മുതലാണ് തീരുമാനം പ്രാബല്യത്തില് വന്നതെന്നും ആരോഗ്യമന്ത്രാലയം വ്യക്തമാക്കി.
tRootC1469263">വിവാഹം രാജ്യത്തിനുള്ളിലോ പുറത്തോ നടന്നാലും, അല്ലെങ്കില് വധുവോ വരനോ ഒരാള് വിദേശിയാണെങ്കിലും, വിവാഹ കരാര് പൂര്ത്തിയാക്കുന്നതിനുള്ള അടിസ്ഥാന നിബന്ധനയായിരിക്കും ഈ മെഡിക്കല് പരിശോധന.
വിവാഹത്തിന് മുന്പ് നടത്തുന്ന പരിശോധനയിലൂടെ പ്രധാനമായും കണ്ടെത്തുന്നത് ജനിതക രക്തരോഗങ്ങളാണ്. സിക്കിള് സെല് അനീമിയ, തലസീമിയ, പകര്ച്ചവ്യാധികള്, ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി, എച്ച് ഐ വി / എയ്ഡ്സ് തുടങ്ങിയ പരിശോധനയ്ക്ക് പുറമെ, ഫലങ്ങളുടെ അടിസ്ഥാനത്തില് മെഡിക്കല് കൗണ്സലിംഗും ഉള്പ്പെടുത്തിയുള്ളതാണ് പുതിയ പരിഷ്കാരം.
