.jpg)
കേരളത്തില് നിന്ന് ഗള്ഫ് രാജ്യങ്ങളിലേക്കുള്ള വിമാന സര്വീസുകള് പലതും റദ്ദാക്കുന്നു
ഗള്ഫിലേക്കുള്ള ആറോളം സര്വീസുകളാണ് എയര് ഇന്ത്യ എക്സ്പ്രസ് റദ്ദാക്കിയത്.
ഇസ്രയേല്-ഇറാന് സംഘര്ഷത്തെ തുടര്ന്ന് കേരളത്തില് നിന്ന് ഗള്ഫ് രാജ്യങ്ങളിലേക്കുള്ള വിമാന സര്വീസുകളും തടസ്സപ്പെടുന്നു. വിവിധ വിമാനങ്ങള് റദ്ദാക്കുകയും പല സര്വീസുകളും വൈകുകയും ചെയ്തു.
ഇന്ത്യന് വിമാനങ്ങള്ക്ക് പാകിസ്ഥാന് വ്യോമപാതയില് നേരത്തെ തന്നെ വിലക്കുണ്ട്. ഈ സാഹചര്യത്തില് പല വിമാനങ്ങളും ഒമാന് വ്യോമപാതയാണ് ഉപയോഗിക്കുന്നത്. ഇറാന് വ്യോമപാത അടച്ചതിനെ തുടര്ന്ന് ഒമാന് ആകാശപാതയില് തിരക്കേറിയതാണ് വിമാന സര്വീസുകള് റദ്ദാക്കാന് കാരണമായത്. എയര് ഇന്ത്യ എക്സ്പ്രസ് കേരളത്തില് നിന്നുള്ള വിവിധ സര്വീസുകള് തിങ്കളാഴ്ച റദ്ദാക്കിയിരുന്നു.
tRootC1469263">ഗള്ഫിലേക്കുള്ള ആറോളം സര്വീസുകളാണ് എയര് ഇന്ത്യ എക്സ്പ്രസ് റദ്ദാക്കിയത്. ഇറാന് വ്യോമപാത അടച്ചിരിക്കുകയാണ്. പല വിമാനങ്ങളും ഒമാന് വ്യോമപാത സ്വീകരിച്ചതോടെ ഈ പാതയില് എയര്ട്രാഫിക് വര്ധിച്ചു. തിങ്കളാഴ്ച പുറപ്പെടേണ്ട കണ്ണൂര്-ഷാര്ജ വിമാനം, ബുധനാഴ്ച പുറപ്പെടേണ്ട ഷാര്ജ-കോഴിക്കോട് വിമാനം, മംഗലാപുരം-ദുബൈ വിമാനം, കൊച്ചി-ഷാര്ജ വിമാനം, വ്യാഴാഴ്ച പുറപ്പെടേണ്ട വിവിധ വിമാനങ്ങള് എന്നിവയാണ് റദ്ദാക്കിയതായി എയര് ഇന്ത്യ എക്സ്പ്രസ് യാത്രക്കാരെ അറിയിച്ചത്. എയര് ഇന്ത്യ എക്സ്പ്രസിന്റെ ബഹ്റൈന്-കോഴിക്കോട്, കോഴിക്കോട്-ബഹ്റൈന് സര്വീസും റദ്ദാക്കിയിരുന്നു.
പല സര്വീസുകളും മണിക്കൂറുകള് വൈകി. കോഴിക്കോട്-കുവൈത്ത് സര്വിസ് മൂന്നു മണിക്കൂറും, കണ്ണൂര് സര്വീസ് മണിക്കൂറുകളും വൈകി. മസ്കത്ത്-കണ്ണൂര്, മസ്കത്ത്-കോഴിക്കോട് സര്വീസുകളും വൈകി. ഇതോടെ നിരവധി യാത്രക്കാരാണ് ബുദ്ധിമുട്ടിലായത്. യുഎഇയ്ക്കും ഇന്ത്യക്കും ഇടയില് പറക്കുന്ന മറ്റ് എയര്ലൈനുകളും സര്വീസുകള് റദ്ദാക്കുകയും വൈകി പുറപ്പെടുകയും ചെയ്തു.